Гомельшчына—Масква

Источник материала:

Госцi ўсклалi кветкi i вянкi да Брацкай магiлы савецкiх воiнаў i партызанаў, пасля чаго адбылося падпiсанне пагадненняў памiж управамi раёнаў акругi i гарадскiмi i раённымi выканаўчымi камiтэтамi вобласцi. Тут трэба сказаць, што сталiца Расiйскай Федэрацыi з’яўляецца для Гомельшчыны вядучым гандлёвым партнёрам з усiх 77 адмiнiстрацыйных суб’ектаў гэтай краiны.

Адным з прыкладаў паспяховага ўзаемадзеяння з Масквой i ўказанай акругай з’яўляецца арганiзацыя з 2002 года на тэрыторыi акругi выязных кiрмашоў па продажу беларускiх тавараў, якiя карыстаюцца там попытам. Летась нашы гандлёвыя i прамысловыя арганiзацыi прадалi iх на мiльён долараў, а з пачатку гэтага года — на 479 тысяч. Да канца года плануецца правесцi там сем выязных кiрмашоў. Працягваецца рэалiзацыя сумеснага праекта па будаўнiцтву Палаца гульнявых вiдаў спорту на тэрыторыi акругi.

— Днi акругi, якiя праходзяць на Гомельшчыне, — сказаў старшыня аблвыканкама Аляксандр Якабсон, — гэта яшчэ адзiн крок наперад ва ўшчыльненнi нашых кантактаў.

Гэта ж пацвердзiў i Аляксей Чэлышаў, якi паведамiў, што ў вераснi ў акрузе адкрываецца магазiн «Сябры», дзе будзе арганiзаваны продаж гомельскiх тавараў.