Аляксандр ЛУКАШЭНКА: «ЕўрАзЭС — найбольш перспектыўнае i эфектыўнае аб’яднанне на постсавецкай пра
Пазiцыя Рэспублiкi Беларусь у Еўразiйскiм эканамiчным супольнiцтве застаецца нязменнай — наша краiна выступае за больш хуткае завяршэнне стварэння Мытнага саюза, каб краiны-ўдзельнiцы змаглi больш эфектыўна супрацоўнiчаць. Аб гэтым заявiў Прэзiдэнт Беларусi Аляксандр Лукашэнка 19 чэрвеня на сустрэчы з генеральным сакратаром ЕўрАзЭС Рыгорам Рапотам.
Рыгор Рапота праiнфармаваў аб ходзе падрыхтоўкi да пасяджэння Мiждзяржаўнага савета кiраўнiкоў дзяржаў — удзельнiц ЕўрАзЭС, якое запланавана на пачатак кастрычнiка 2007 года ў Душанбе. Аляксандр Лукашэнка выказаў некалькi заўваг па ўдасканаленню Еўразiйскай эканамiчнай прасторы, якiя, як падкрэслiў Рыгор Рапота, будуць абавязкова прыняты да ўвагi. Беларусь з’яўляецца адным з самых паслядоўных i актыўных прыхiльнiкаў iнтэграцыi ў рамках ЕўрАзЭС, лiчыць генеральны сакратар арганiзацыi. Не так даўно Беларусь вылучыла iнiцыятывы, якiя датычацца, у прыватнасцi, супрацоўнiцтва дзяржаў у сферы развiцця бiятэхналогiй, стварэння адзiнай эканамiчнай i энергетычнай прасторы, эфектыўнага выкарыстання транзiтнага патэнцыялу. У развiццё прапановы Беларусi iдзе работа над падрыхтоўкай Канцэпцыi адзiнай энергетычнай прасторы. Iнiцыятыву Беларусi аб развiццi транзiтнага патэнцыялу краiн — удзельнiц ЕўрАзЭС генсакратар назваў вельмi важнай тэмай не толькi для Беларусi, якая, паводле яго слоў, з’яўляецца адным з важнейшых злучальных мастоў памiж Расiяй i Еўропай, але i для Расiйскай Федэрацыi, Казахстана i iншых дзяржаў. Адным з найбольш важных момантаў Рыгор Рапота назваў выпрацоўку прымальнай формы стварэння роўных умоў доступу краiн-удзельнiц да энергарэсурсаў. Гэта праблема з’яўляецца ключавой пры пабудове як Мытнага саюза, так i Адзiнай эканамiчнай прасторы, што прадугледжвае канкурэнцыю суб’ектаў гаспадарання ў роўных для ўсiх умовах. Беларускi бок выступае за больш хуткае яе вырашэнне. Гэта надасць добры iмпульс развiццю эканомiк краiн — удзельнiц ЕўрАзЭС, дасць магчымасць павысiць iх канкурэнтаздольнасць. Прэс-служба Прэзiдэнта Рэспублiкi Беларусь. Чтобы разместить новость на сайте или в блоге скопируйте код:
На вашем ресурсе это будет выглядеть так
Пазiцыя Рэспублiкi Беларусь у Еўразiйскiм эканамiчным супольнiцтве застаецца нязменнай — наша краiна выступае за больш хуткае завяршэнне стварэння Мыт
|
|