Главная
Гороскопы
Савет Рэспублiкi ўхвалiў увядзенне дзвюхступеньчатай сiстэмы адукацыi
Сяргей КУЗНЯЦОЎ
Парламенцкi дзённiк На ўчарашнiм пасяджэннi Савета Рэспублiкi Нацыянальнага сходу члены верхняй палаты парламента ўхвалiлi праект Закона «Аб вышэйшай адукацыi», якi ўводзiць у Беларусi дзвюх- ступеньчатую сiстэму вышэйшай адукацыi.Як адзначыў старшыня Пастаяннай камiсii Савета Рэспублiкi па адукацыi, навуцы, культуры i гуманiтарных пытаннях Анатоль Новiкаў, дакумент прадугледжвае ўсталяванне дзвюх ступеняў вышэйшай адукацыi. Першая ступень — падрыхтоўка дыпламаванага спецыялiста (тэрмiн навучання на дзённай форме складае 4—5 гадоў). Другая — магiстратура (тэрмiн навучання складае 1—2 гады ў залежнасцi ад спецыяльнасцi). Паводле слоў парламентарыя, для работы на прадпрыемстве, у арганiзацыi дастаткова будзе дыпламаванага спецыялiста, «якi авалодаў фундаментальнымi i спецыяльнымi ведамi, навыкамi». Вучоба ў магiстратуры дазволiць выпрацаваць «навыкi навукова-даследчай працы, павысiць верагоднасць абароны кандыдацкай дысертацыi за час вучобы ў аспiрантуры». «Улiчваючы, што ўводзiцца дзве ступенi вышэйшай адукацыi, будзе i два дакументы аб вышэйшай адукацыi — дыплом спецыялiста i дыплом магiстра. Прызнанне i вызначэнне эквiвалентнасцi дакументаў аб вышэйшай адукацыi Беларусi i iншых дзяржаў будзе ажыццяўляцца ў адпаведнасцi з мiжнароднымi дамовамi». На ўчарашнiм пасяджэннi быў таксама ўхвалены праект Закона «Аб унясеннi змяненняў i дапаўненняў у Крымiнальны кодэкс Рэспублiкi Беларусь па пытанню ўзмацнення адказнасцi за злачынствы, звязаныя з карупцыяй». Дакумент прадугледжвае ўвядзенне больш жорсткiх пакаранняў за карупцыйныя злачынствы.
Чтобы разместить новость на сайте или в блоге скопируйте код:
На вашем ресурсе это будет выглядеть так
На ўчарашнiм пасяджэннi Савета Рэспублiкi Нацыянальнага сходу члены верхняй палаты парламента ўхвалiлi праект Закона «Аб вышэйшай адукацыi», якi ўводз
|
|