СЛАВЯНСКI ПАРЛАМЕНЦКI САЮЗ ЗВЯРНУЎСЯ ДА КIРАЎНIКА ЛIВII

Источник материала:

з просьбай памiлаваць балгарскiх медыкаў

Паводле слоў кiраўнiка Славянскага парламенцкага саюза, дэпутата Палаты прадстаўнiкоў Нацыянальнага сходу Беларусi i аднаго з лiдараў КПБ Сяргея Касцяна, з iнiцыятывай звярнуцца да палкоўнiка Кадафi выступiла дэлегацыя балгарскiх парламентарыяў i пасольства Балгарыi ў Мiнску.

Таксама падчас пасяджэння сесii Саюза быў разгледжаны праект мадэльнага закона аб развiццi турызму памiж славянскiмi дзяржавамi. У сесii прынялi ўдзел парламентарыi Беларусi, Расii, Украiны, Сербii, Боснii, Малдовы, Балгарыi, Чэхii i Славакii.

Выступаючы на адкрыццi сесii, Сяргей Касцян заявiў, што рэгiстрацыя сёлета Саюза была негатыўна ўспрынята ў свеце «славянскiмi непрыяцелямi». «У свеце створаны i працуюць больш за 10 мiжнародных i рэгiянальных парламенцкiх саюзаў i аб’яднанняў. I нiкога гэта не турбуе. Нiхто не гаворыць, што гэта перашкаджае будаўнiцтву агульнага дома. А вось створаны славянамi мiжнародны парламенцкi орган сустрэты са злосцю, абурэннем. Нам сталi навешваць усялякiя ярлыкi», — адзначыў Сяргей Касцян.

«Чаму ж так баяцца нашага яднання, братэрства i супрацоўнiцтва? Вiдаць, таму, што нашымi славянскiмi каштоўнасцямi з’яўляюцца прынцыпы мiру i супрацоўнiцтва памiж народамi i кантынентамi. Мы, славяне, не проста жадаем мiру i супрацоўнiцтва, мы настойваем на супрацоўнiцтве роўных сярод роўных. Мы адстойваем прынцыпы абароны i падтрымкi слабых. Мы выступаем за самастойнасць i цэласнасць славянскiх i iншых дзяржаў. Мы супраць умяшання ва ўнутраныя справы адзiн аднаго», — дадаў ён.

Пры гэтым старшыня Саюза дадаў, што негатыўнае стаўленне «не павiнна палохаць» парламентарыяў i «калi славянам спатрэбiцца i 300 гадоў, мы з пакалення ў пакаленне... будзем iсцi крок за крокам да славянскай еднасцi».