Главная
Гороскопы
«БЯРЭЗАНЬ-2007» — новы пункт на карце Сярэднявечча
Таццяна ДАНIЛУШКIНА.
Мiр, Навагрудак, Лiда... Назвы гарадоў, вымаўляючы якiя, здаецца, адразу чуеш удары рыцарскага мяча па даспехах працiўнiка альбо прызыўны гук старадаўняй блок-флейты. Амаль штогод сюды з’язджаюцца прыхiльнiкi гiстарычнай эпохi Сярэднявечча: хто — сябе паказаць, а хто — на iншых паглядзець. А гэтым летам спiс такiх гарадоў папоўнiўся новай назвай аднаго з раённых цэнтраў Мiнскай вобласцi — Беразiно. Менавiта тут 2—3 лiпеня прайшоў першы ў гiсторыi Бярэзiншчыны Фестываль сярэднявечнай культуры «Бярэзань-2007».
Арганiзатарам фэсту пры падтрымцы раённага выканаўчага камiтэта стаў мясцовы клуб ваенна-гiстарычнай рэканструкцыi «Белы лiс». Расказвае скарбнiк «Белага лiса» Аляксандр Пшанiчнiк: — Iдэя правесцi фестываль на бярэзiнскай зямлi з’явiлася даўно, але не было нi матэрыяльных, нi фiзiчных магчымасцяў яе ажыццявiць. Сёлета ж райвыканкам падтрымаў нас: аддаў увесь стадыён для мерапрыемства i прылеглую тэрыторыю для лагера клубаў, аплацiў праезд i харчаванне ўдзельнiкаў. Фестываль запланаваны як мiнiфарматны, асноўная мэта — ацэнка рэакцыi гараджан, вызначэнне, цi будзе фестываль жыць далей. Таксама гэта ацэнка сваiх здольнасцяў. Восенню нашаму клубу спаўняецца пяць гадоў, таму мы вырашылi, што ўжо надышоў час прадэманстраваць свае дасягненнi i пазнаёмiць бярэзiнчан з iншымi беларускiмi клубамi. На запрашэнне «Белага лiса» адгукнулiся чатыры клубы ваенна-гiстарычнай рэканструкцыi: мiнскi «Бастыён веры», «Магiлёўская дружына», старажыл рыцарскага руху на Беларусi — клуб «Вялiкае княства Лiтоўскае» (Мiнск) i зусiм малады Бярозаўскi клуб ваенна-гiстарычнай рэканструкцыi, якi ўзнiк у пачатку года i пакуль не мае афiцыйнай назвы. Рыцарскi турнiр i розныя вiды бугуртаў, масавых бiтваў воiнаў, гульнi з гледачамi i сярэднявечны кiрмаш, танцы i жывая сярэднявечная музыка ў выкананнi музыкаў з «Магiлёўскай дружыны» — праграма фэсту была не горшай за праграму любога сталага беларускага фестывалю. Па вынiках турнiру лепшы воiн традыцыйна атрымлiвае рыцарскi меч — галоўную ўзнагароду фестывалю. На «Бярэзанi-2007» пасля больш як дзесяцi тураў перамог Гюнтэр — ваяр з «Бастыёна веры». Завяршыў афiцыйную частку ў пачатку адзiнаццатай гадзiны ночы спецыяльны госць «Бярэзанi-2007» тэатр танца агню «Гестрыён» грандыёзным агнявым шоў. — Я наведваю ўсе фестывалi Беларусi, — гаворыць лэдзi Элен, спецыяльны госць «Бярэзанi», — i хачу сказаць, што фестываль прайшоў выдатна. Па-першае, вельмi добрая арганiзацыя — мясцовыя ўлады ва ўсiм iшлi нам насустрач. А па-другое — i гэта самае галоўнае! — нас вельмi цёпла прымалi самi бярэзiнчане. Людзi шчырыя, адкрытыя, многiя першы раз прысутнiчалi на такой дзеi, таму вельмi прыхiльна i з цiкавасцю ставiлiся да ўдзельнiкаў i ўсiх падзей. А гэта прыемна! Цi стане фестываль у Беразiно традыцыйным, цi працягне сваё жыццё i надалей — на гэта пытанне адказвае загадчык аддзела па справах моладзi Бярэзiнскага райвыканкама, адзiн з iнiцыятараў правядзення свята Сярэднявечча Вiталь Пятровiч Адамовiч: — Фестывальная пляцоўка сабрала вялiкую колькасць людзей, многiя падыходзiлi i дзякавалi мне, удзельнiкам клубаў за такое незвычайнае свята. Фестываль прайшоў добра, нiякiх праблем не ўзнiкала, усе засталiся задаволенымi, таму было б недарэчна адмовiцца ад iдэi зрабiць «Бярэзань» традыцыйнай. Я лiчу, што «Бярэзанi-2008» быць!
Чтобы разместить новость на сайте или в блоге скопируйте код:
На вашем ресурсе это будет выглядеть так
Мiр, Навагрудак, Лiда... Назвы гарадоў, вымаўляючы якiя, здаецца, адразу чуеш удары рыцарскага мяча па даспехах працiўнiка альбо прызыўны гук старадаў |
|