Раннi пачатак навучання ў школе не садзейнiчае захаванню здароўя дзiцяцi

Источник материала:

Многiя «шасцiгодкi» яшчэ фiзiчна i псiхалагiчна не падрыхтаваныя да школьнага жыцця. «Менавiта таму, калi Мiнiстэрства адукацыi iнiцыявала перанясенне школьнага ўзросту прыкладна на два месяцы наперад, Мiнiстэрства аховы здароўя выступiла супраць, таму што ў гэтым узросце кожны месяц адыгрывае вельмi вялiкую ролю», — сказала спецыялiст.

Галоўны педыятр канстатавала, што ў апошнiя гады ў рэспублiцы назiраецца тэндэнцыя да пагаршэння здароўя дзяцей школьнага ўзросту. У гэтага ёсць некалькi прычын. Адна з iх — неадэкватная разумовая i фiзiчная нагрузка. У малодшых класах дзецi часта пакутуюць ад гiпадынамii. Так, у некаторых школах Мiнска былi зафiксаваны выпадкi, калi частка ўрокаў фiзкультуры ў першых класах замянялася дадатковымi ўрокамi пiсьма цi матэматыкi. Павышаным разумовым нагрузкам сваiх дзяцей падвяргаюць самi бацькi, якiя мараць, каб дзiця вучылася толькi на «выдатна», ведала некалькi моў i адначасова наведвала розныя гурткi i секцыi.

Усё гэта становiцца прычынай стрэсу, якi пасля прыводзiць да павышанай захворваемасцi школьнiкаў. Пры гэтым найбольш схiльныя да небяспекi дзецi 2—3 гадоў навучання i падлеткi так званага пераходнага ўзросту.

Другой прычынай, якая значна ўплывае на пагаршэнне здароўя школьнiкаў, з’яўляецца незбалансаванае харчаванне. Часта замест гарачага школьнага абеду падлеткi аддаюць перавагу булачцы i шклянцы напою. «Гэта парушэнне рэжыму харчавання вядзе да павелiчэння захворваемасцi органаў страўнiкава-кiшачнага тракту», — адзначыла Наталля Галькевiч. У мэтах рэгулявання харчавання школьнiкаў Мiнiстэрствам аховы здароўя былi распрацаваны некалькi адпаведных пастаноў, у тым лiку i тыповы асартыментны пералiк прадукцыi для продажу ў школьных буфетах. Згодна з дакументам, з асартыменту буфетаў выключаны газiраваныя напоi, чыпсы i iншыя «шкодныя» для страўнiка прадукты. Яны павiнны быць замененыя на кiсла-малочныя прадукты, сокi i да т.п.

Парушэннi вастрынi зроку i паставы таксама з’яўляюцца аднымi з найбольш распаўсюджаных сярод школьнiкаў захворванняў. Свой негатыўны ўплыў на ўзнiкненне першага з iх у свой час аказвала празмернае захапленне кiраўнiцтва некаторых устаноў адукацыi эканомiяй электраэнергii. У цяперашнi час, паводле слоў суразмоўцы, выкананне нормаў па асвятленню памяшкання старанна адсочваецца беларускiмi санiтарна-гiгiенiчнымi службамi, праводзiцца пераабсталяванне школ новымi асвятляльнiкамi. Урэгулявана спецыяльнымi правiламi i пытанне «рассадкi» дзяцей за партамi. Iх выкананне гарантуе захаванне правiльнай паставы ў хлопчыкаў i дзяўчынак.

«Усё гэта знаходзiцца ў распараджэннi Мiнадукацыi, дзе цудоўна ведаюць неабходныя санiтарныя правiлы i нормы. Застаецца толькi спадзявацца на адказнасць i работнiкаў сталовых, якiя гатуюць ежу нашым дзецям, i настаўнiкаў, i кiраўнiкоў устаноў адукацыi, якiя кантралююць выкананне ўсiх нарматываў», — рэзюмавала Наталля Галькевiч.