Главная
Гороскопы
Мiнулае ў нас адно...
Сымон СВIСТУНОВIЧ. г. Брэст.
У Брэст прыехала вялiкая група расiйскiх журналiстаў, якiя прадстаўлялi газеты: «Завтра», «Правда», «Литературная газета», «Красная звезда» i iншых — усяго некалькi дзесяткаў газет i штотыднёвiкаў. Хоць тэматычная паездка для СМI Расii закранала толькi адно пытанне: «Агульнае гераiчнае мiнулае народаў Беларусi i Расii», тым не менш журналiстаў цiкавiлi лiтаральна ўсе бакi нашага жыцця, i найперш сучаснага. Дарэчы, гэта не першы прыезд прадстаўнiкоў СМI з Расii.
У аблвыканкаме прайшла сустрэча з кiраўнiцтвам вобласцi, якое на гэты раз прадстаўляў намеснiк старшынi аблвыканкама Леанiд Цупрык, а таксама начальнiкi ўпраўленняў i iншыя асобы. Для расiян Брэстчына вядомая не толькi па Брэсцкай крэпасцi цi Белавежскай пушчы. У вобласцi актыўныя эканамiчныя сувязi з Расiяй. Заключаны дагавары з 11 расiйскiмi суб’ектамi. Толькi з Масквой тавараабарот складае 140 млн долараў. Ды i прадукцыя фiрмы «Савушкiн прадукт» цi брэсцкi трыкатаж гасцям добра вядомыя. Многае з пачутага выклiкала ў журналiстаў цiкавасць цi нават недавер. I трэба прызнаць, што Леанiд Цупрык, iншым разам пераходзячы на беларускую мову, здолеў на многiя пытаннi адказаць грунтоўна. А калi гучыць рэплiка: «Можна падумаць, што ў вас тут ужо камунiзм?», то можна было б i збянтэжыцца, але... На пытаннi пра расiйскi бiзнэс у вобласцi i куплю прадпрыемстваў быў дадзены вычарпальны адказ: ухапiць нешта на Брэстчыне задарма не атрымаецца, а калi нехта прапануе сур’ёзныя грошы, то можна весцi размову. Падалося, што наяўнасць у нас сiстэмы «аднаго акна», як i аграгарадкi з сацыяльнымi стандартамi, успрымаюцца гасцямi неадназначна. Нехта ў такое, магчыма, i не паверыў. Вiдавочна, гэта ад таго, што ў нашых краiнах ужо розны ўклад жыцця. Адсюль i пытанне: «А цi можна ў вас прыватызаваць помнiк культуры?» Для Расii, дзе прадаюцца сядзiбныя комплексы, у гэтым нiчога дзiўнага няма, а вось нашаму чалавеку такое i ў галаву не можа прыйсцi. Хоць нехта з задавальненнем выкупiў бы нейкi стары дом з гiстарычным мiнулым. Проста па нашых законах неабходна выканаць шэраг пунктаў, якiя не надта даюць магчымасць на тых помнiках раскруцiць бiзнэс. А пачуўшы, што каб трапiць у беларускае войска, трэба прайсцi конкурс, расiяне папрасiлi пра гэта расказаць падрабязней. Пытанняў было шмат, а гэта сведчыць пра вялiкую цiкавасць да нашага жыцця, да Беларусi. Як ужо гаварылася, тэма сустрэчы мела вузкую накiраванасць, тым не меней 24 лiпеня госцi пабывалi ў прыгранiчнай зоне i наведалi заставу, а 25-га была запланавана паездка ў Iвацэвiцкi раён на былую партызанскую базу ва ўрочышча Хаваншчына, дзе падчас вайны знаходзiўся штаб Брэсцкага партызанскага злучэння, а калi будзе магчымасць журналiсты суседняй краiны наведаюць радавую сядзiбу Тадэвуша Касцюшкi. У цэлым такiя сустрэчы нясуць станоўчы iмпульс — гэта яшчэ адна магчымасць зрабiць крок да паразумення.
Чтобы разместить новость на сайте или в блоге скопируйте код:
На вашем ресурсе это будет выглядеть так
У Брэст прыехала вялiкая група расiйскiх журналiстаў, якiя прадстаўлялi газеты: «Завтра», «Правда», «Литературная газета», «Красная звезда» i iншых —
|
|