Ваша стаўленне да сiдэратаў

Источник материала:

У якасцi сiдэратаў можна выкарыстоўваць гарчыцу белую, вiку яравую, лубiн аднагадовы, амарант, грэчку, авёс, свiрэпку яравую. Не вельмi вялiкую бiямасу нарошчваюць, але добпа прыцягваюць насякомых-энтамафагаў фацэлiя, каляндра, лафант анiсавы, сiняк звычайны. Добра аздараўлiвае глебу азiмае жыта. Да пачатку мая яно адрастае на 50 см i больш. У гэты час яго варта толькi падрэзаць пласкарэзам крыху нiжэй, чым вузел кушчэння цi проста вырваць i пакiнуць на месцы. Атрымлiваецца слой мульчы, пад якi добра будзе высаджваць бульбу. Можна зрабiць як рэкамендуюць многiя — скошаныя сiдэраты закапаць у глебу, а можна пакiнуць iх на паверхнi.

Уявiце сабе: калi ў кастрычнiку магчымыя i замаразкi, i нават дзе-нiдзе снег-пушок пакрывае зямлю, вашы градкi зелянеюць, як у чэрвенi, растуць сiдэраты, накоплiваючы арганiчную масу, да апошняга часу выкарыстоўваючы «аслабелае» сонца. Цвiце пасеяная пасля ўборкi цыбулi (у пачатку жнiўня) рэдзька алейная, хоць яе некаторыя лiсцiкi i прыхапiў мароз. Мужна процiстаяць марозу боб чорны, пасеяны пасля сунiц садовых у першыя днi жнiўня. Рапс яравы, пасеяны пасля бульбы ў сярэдзiне жнiўня, буяе, расце да самага лiстапада, нават з-пад снегу выглядваюць яго жоўтыя суквеццi.

Падабаецца вам такi агарод? Тады — за справу!