Калi няма раднi

Источник материала:

Кватэрнае пытанне

У iнтэрнатах што нi дзiця — то гора: што з такiмi бацькамi, што без бацькоў, — выжывай, як хочаш.

Адзiн з маiх выхаванцаў (мацi збегла, бабуля паралiзаваная, дзядзькi абодва пiтушчыя i судзiмыя) узяўся будаваць сабе асобнае жыллё. Заплацiў першы ўзнос, атрымаў бязвыплатную субсiдыю. А вось крэдыт не даюць. Патрэбны паручыцелi. А дзе iх браць беднаму сiраце? I як быць?

А. Дубiк, Клецкi раён.

Патрабаванне банка аб наяўнасцi паручыцеляў пры выдачы крэдыту на будаўнiцтва (рэканструкцыю) або набыццё жылых памяшканняў грунтуецца на дзеючым заканадаўстве. Паручыцельства — гэта адзiн са спосабаў забеспячэння выканання абавязацельстваў па вяртаннi атрыманага крэдыту i працэнтаў за карыстанне iм.

Паручыцелямi могуць выступаць з дазволу банка не толькi блiзкiя родныя (бацькi, дзецi, родныя браты i сёстры), але i iншыя грамадзяне (напрыклад, суседзi, сябры, калегi i г.д.), якiя маюць дастатковую плацежаздольнасць.

Да афармлення крэдыту банк аналiзуе плацежаздольнасць крэдытаатрымальнiка i яго паручыцеляў з мэтай ацэнкi магчымасцi своечасова i ў поўным аб’ёме забяспечыць пагашэнне выдадзенага крэдыту. Пры гэтым вызначаецца неабходная колькасць паручыцеляў, такiм чынам, каб плацяжы па крэдыце складалi не больш за 50 працэнтаў сукупнага даходу паручыцеляў.

Вiктар САВIЦКI.