Радзільны дом у Магiлёўскiм заасадзе

Источник материала:

На працягу апошняга месяца тут нарадзiлiся сямёра дзiкоў, высакароднае аленяня, тры казуляняцi i лiсяня.

Маленькiх дзiкоў, якiя нарадзiлiся чатыры тыднi таму, у заасадзе называюць парсючкамi. Яны адразу сталi любiмцамi публiкi, бо штодня ладзяць у вальеры вясёлае сямейнае шоў — кусаюць за хвасты сваiх бацькоў, прычым вялiзныя i грозныя дзiкi цярплiва зносяць забавы малых. Людзi любуюцца высакародным аленянём, якое апеквае мацi Каська. Нараджэнне трох казулянят — асаблiва радасная падзея ў заасадзе, таму што раней атрымаць патомства казуляў не атрымлiвалася.

Радзей за ўсё наведвальнiкi заасада бачаць лiсяня, таму што мацi толькi зрэдку выносiць малое ў зубах з будкi.

Цяпер у заасадзе чакаюць прыбаўлення ланяў i плямiстых аленяў. Разам з двума зубранятамi Лёшкам i Кузьмой, якiя нарадзiлiся не так даўно, атрымлiваецца невялiкi "дзiцячы садок". "Будзем ставiць патомства на ногi", — бадзёра заявiў кiраўнiк заасада Георгiй Малiноўскi. Маладыя жывёлы папоўняць статкi ў вялiкiх вальерах.

Ілона Iванова.