Беларуская дэлегацыя наведала Азербайджан

Источник материала:

Азербайджанскаму парламенту (Мілi Меджлiсу) — 90. З нагоды юбiлею дружалюбную нам дзяржаву наведала днямi парламенцкая дэлегацыя Беларусi на чале з Вадзiмам Паповым — старшынёй Палаты прадстаўнiкоў.

Кiраўнiк беларускай дэлегацыi сустрэўся з прэзiдэнтам Азербайджана Ільхамам Алiевым. Яны абмеркавалi развiццё беларуска-азербайджанскiх адносiнаў i ўмацаванне ўзаемавыгаднага супрацоўнiцтва дзвюх краiн у самых розных сферах.

У рамках вiзiту адбылася таксама сустрэча з прадстаўнiкамi азербайджанскiх дзелавых колаў, якiя маюць сумесныя прадпрыемствы з беларускiмi суб’ектамi гаспадарання цi пастаўляюць у Азербайджан прадукцыю МТЗ, МАЗа, "Атланта", Магiлёўлiфтмаша, прадпрыемства "Савушкiн прадукт" i шэрагу iншых. Старшыня Палаты прадстаўнiкоў наведаў мэблевы дом "Беларусь", заснаваны з беларускага боку прадпрыемствамi "Гомельдрэў" i "Пiнскдрэў" i нядаўна адчынены ў Баку. Вадзiм Папоў сустрэўся i са старшынёй Мiлi Меджлiса Азербайджанскай Рэспублiкi Актаем Асадавым. Удзельнiкi абмеркавалi пашырэнне мiжпарламенцкага дыялогу, пытаннi, звязаныя з развiццём адносiнаў Беларусi i Азербайджана ў гандлёва-эканамiчнай сферы, а таксама з нарошчваннем прамысловай кааперацыi памiж прадпрыемствамi абедзвюх дзяржаў i супрацоўнiцтвам у вобласцi энергетыкi.

Ала МАЧАЛАВА.