Слімакi дастаўляюць электронную пошту

Источник материала:

Смех дый годзе

Вiкi Айслi i Пол Смiт з Нацыянальнага цэнтра камп’ютарнай анiмацыi пры Барнмутскiм унiверсiтэце прадставiлi праект Real Snail Mail, у якiм слiмакi перадаюць лiчбавыя паведамленнi. 

У англiйскай мове snail mail (лiтаральна — "слiмаковая пошта") азначае перасылку пiсьмаў традыцыйным спосабам у адрозненне ад e-mail. Аўтары праекта вырашылi зрабiць сапраўдную слiмаковую пошту. Для дастаўкi карэспандэнцыi даследчыкi адабралi трох слiмакоў, на ракавiны якiх нанесеныя радыёметкi. Наведвальнiкi спецыяльнага сайта могуць адправiць сваё паведамленне на сервер. Той, у сваю чаргу, перадае тэкст для захоўвання на радыёметку аднаго са слiмакоў. Паведамленне захоўваецца ў слiмака да той пары, пакуль ён не дапаўзе да спецыяльнай вобласцi, дзе радыёметка счытваецца i iнфармацыя перадаецца адрасату. Слiмакоў, якiя ўдзельнiчаюць у праекце, клiчуць Агент 001, 002 i 003. Самы хуткi — Агент 002, якога даследчыкi завуць Осцiнам. Ён у сярэднiм дастаўляе адно паведамленне за 1,96 сутак. Час дастаўкi пiсьмаў Агентам 001, якога клiчуць Сесiл, складае 3,26 сутак. Агента 003 клiчуць Мюрыэль. Даследчыкi маюць намер вынесцi гэтаму слiмаку папярэджанне, бо ён пакуль не даставiў нi аднаго паведамлення, у той час як яго калегi разам "заiмчалi" 14.

Афрыканскi суд прызнаў кiтайцаў неграмi

Паўднёваафрыканскi Вярхоўны суд вынес вельмi незвычайны вердыкт, якi ўжо стаў падставай для ўсмешак жыхароў шматлiкiх iншых краiн. Служкi закона пастанавiлi, што этнiчныя кiтайцы, якiя жывуць у ПАР, юрыдычна павiнны лiчыцца чарнаскурымi. Пасля гэтага яны, у адпаведнасцi з законамi рэспублiкi, атрымаюць магчымасць карыстацца прывiлеямi, накiраванымi на павышэнне жыццёвага ўзроўню цемнаскурых паўднёваафрыканцаў. 

Гэтае праблемнае пытанне разглядалася на падставе iску, пададзенага Кiтайскай асацыяцыяй Паўднёвай Афрыкi, якая абвiнавацiла ўрад рэспублiкi ў дыскрымiнацыi кiтайцаў. Іх у краiне налiчваецца 200 тысяч. Актывiсты асацыяцыi заявiлi суду, што ў ПАР кiтайцаў прынята лiчыць i зваць белымi, i гэтая праява расавай дыскрымiнацыi часта перашкаджае iм заключаць выгадныя кантракты i рухацца ўверх па кар’ернай лесвiцы. Iстцы ўзгадалi нават гады апартэiду, калi кiтайцы, якiя пражываюць у ПАР, таксама пакутавалi ад праяў няроўнасцi: iх звалi каляровымi. З цяперашняга часу рашэннем Вярхоўнага суда будзе ўнесена яснасць у пытаннi аб правах кiтайцаў, якiя працуюць у розных установах i кампанiях на тэрыторыi Паўднёвай Афрыкi. Прывiлеi i льготы, якiмi карыстаюцца цемнаскурыя паўднёваафрыканцы ў адпаведнасцi з умовамi нацыянальнай праграмы Black Economic Empowerment, будуць цяпер распаўсюджвацца i на кiтайцаў.