У Беластоцкім універсітэце знікне кафедра беларускай культуры

Источник материала:

Катэдра беларускай культуры існуе ў Беластоцкім унівэрсітэце ад 1997 году. На мінулым тыдні яе кіраўнік, прафесар Яўген Мірановіч, абвясьціў супрацоўнікам, што яна будзе расфармавана.

Прафэсар Мірановіч тлумачыць, што рашэньне выклікана тым, што ад некалькіх гадоў катэдра не займалася работай, зьвязанай зь беларускімі пытаньнямі: "Ад катэдры засталася толькі шыльда. Калі напачатку ва ўнівэрсытэце было шмат гадзін выкладаньня прадметаў, зьвязаных зь беларускай этнаграфіяй, гісторыяй, то на працягу апошніх пяці год супрацоўнікі больш не выкладаюць ніводнага такога прадмета. Выкладаюць гісторыю Польшчы, Ангельшчыны, Расеі - але гэта ніяк не зьвязана зь Беларусьсю. Да Беларусі няма цікавасьці. Так, у мінулым годзе не было ахвотных вывучаць беларускую філялёгію, таму не было набору, і цяпер мы ня маем першага курсу".

На катэдры працавала пяць чалавек. Большасьць зь іх паставілася да закрыцьця катэдры нэгатыўна і не згаджаецца з прафэсарам Мірановічам. Асыстэнтка катэдры Гражына Харытанюк сказала для NN.BY: "Кожны з супрацоўнікаў катэдры займаецца распрацоўкай тэмаў, зьвязаных зь Беларусьсю. Вядомыя працы гісторыкаў, якія працуюць на нашай катэдры, напрыклад, Алены Глагоўскай. Ірэна Матус, якая выкладае ва ўнівэрсітэце курс гісторыі Расеі, займаецца таксама беларускай этнаграфіяй. Я сама працую на катэдры з 1998 году. Тэма маёй дысэртацыі - "Абрад "Дзяды" ў Беларусі". Усе мае палявыя дасьледьваньні праходзяць менавіта ў Беларусі, а таксама на Беласточчыне. Акрамя гэтага, я вяду курс ведаў пра сучасную Беларусь. Нельга сказаць, што ад катэдры была толькі шыльда. Кожны з нас працягне сваю працу. Але важна, каб катэдра захавалася як адміністрацыйная адзінка, як цэнтар беларусістыкі на Беласточчыне".

Прыкрасьць адчувае і спадарыня Эльжбета Смулкова, былая пасол Польшчы ў Беларусі, арганізатарка катэдры ў Беластоцкім унівэрсытэце і яе першая кіраўніца. "Я памятаю пачатак, энтузіязм, — кажа яна. — Я спадзявалася, што прафэсар Мірановіч зможа гэта захаваць".

Пэўная цікавасьць да беларусістыкі ў Польшчы існуе. Праходзяць навуковыя канфэрэнцыі, працуюць беларускія ініцыятывы.

Трэба адзначыць, што аналягічная расейская кафедра ў Беластоцкім ўнівэрсытэце захаваецца. Беларускую ж заменіць, магчыма, катэдра міжнародных адносінаў.

Первоисточник:

Все новости за день   0   В блог Чтобы разместить новость на сайте или в блоге скопируйте код: На вашем ресурсе это будет выглядеть так У Беластоцкім універсітэце знікне кафедра беларускай культуры Катэдра беларускай культуры існуе ў Беластоцкім унівэрсітэце ад 1997 году.   Новости дня Новости   Испанских читателей газеты пугают главным тренером сборной России по футболу Видео. Медведев и Лукашенко встретились в Бресте Главные новости сегодня «Полтора года мы работали без зарплат». Руководитель благотворительного центра помощи аутичным детям рассказала о проблемах с финансированием 07:00, ProBusiness В разы дешевле газа? Сколько стоит «сухое» электроотопление без котла, труб и воды 00:00, realt.by 11 долларов за пустующий жилой дом недалеко от Минска. Итоги аукциона 00:00, realt.by Все новости »   По Источникам Главные Экономика Общество Hi-tech Спорт Авто Свежие новости Экономика Общество Политика ИноСМИ Спорт ЧП Hi-Tech Самое читаемое Сейчас Сегодня Вчера За неделю Архив Интересы Ваш город Ваша компания Ваш ВУЗ Госорган Страна Aktualności Naujienos

 Новости Вашего города ТОП-новости Беларуси Прислать новость Лента новостей РЕКЛАМА Свежие газеты Архив Весь архив » РЕКЛАМА