Акруговыя камісii будуць iнфармаваць выбаршчыкаў аб даходах i маёмасцi кандыдатаў у дэпутаты

Источник материала:

Цэнтрвыбаркам Беларусi прыняў пастанову, якая растлумачвае працэдуру дэкларавання даходаў i маёмасцi кандыдатаў у дэпутаты Палаты прадстаўнiкоў.

Як адзначыла член Цэнтральнай камiсii Надзея Кiсялёва, у адпаведнасцi з новай нормай заканадаўства, акруговыя камiсii павiнны будуць iнфармаваць выбаршчыкаў аб даходах i маёмасцi зарэгiстраваных кандыдатаў у дэпутаты. Аб’ём такiх звестак вызначае Цэнтрвыбаркам. У прыватнасцi, у iх павiнна быць названа агульная сума гадавога даходу i пералiк маёмасцi, што знаходзiцца ў кандыдата на праве ўласнасцi. Калi няма магчымасцi апублiкаваць гэтыя даныя ў СМІ, то яны могуць быць размешчаны на агiтацыйных плакатах.

Дэкларацыя аб даходах i маёмасцi прадастаўляецца кандыдатамi ў акруговыя выбарчыя камiсii па форме, зацверджанай Саветам Мiнiстраў Беларусi. У дэкларацыях называюцца даходы за каляндарны год, што папярэднiчае таму году, калi праходзяць выбары. Так, кандыдаты ў дэпутаты Палаты прадстаўнiкоў Нацыянальнага сходу чацвёртага склiкання павiнны будуць назваць даходы, атрыманыя з 1 студзеня па 31 снежня 2007 года, а таксама маёмасць на праве ўласнасцi, якая iснуе на дату прадастаўлення дэкларацыi. Для праверкi дэкларацыi накiроўваюцца акруговымi камiсiямi ў падатковыя органы, дзяржаўныя агенцтвы па рэгiстрацыi нерухомай маёмасцi, ДАI. Праверка праводзiцца ў трохдзённы тэрмiн. Яна павiнна быць завершана не пазней як 24 верасня 2008 года. Старшыня Цэнтрвыбаркама Лiдзiя Ярмошына дадала, што дэкларацыя, якую прадстаўляе кандыдат у дэпутаты, не прадугледжвае графы, якая датычыцца ўкладаў у банках.