Абзац

Прычынай спынення ўсiх энергаблокаў стаў выхад са строю мiкрасхемы, якая забяспечвае работу станцыi па ўсяму ланцужку, адзначыў мiнiстр энергетыкi Беларусi Аляксандр Азярэц. Ён патлумачыў, што менавiта гэта стала прычынай таго, што аварыя на 8 блоку не была лакалiзаваная, а прывяла да адключэння яшчэ сямi блокаў. Аляксаднр Азярэц упэўнены, што "такога больш не паўтарыцца нi на Лукомльскай ДРЭС, нi на любой другой станцыi".

За выдзяленне вiртуальнага ўчастка зямлi плошчай 600 кв.м у цэнтры Рэчыцы гомельскi прадпрымальнiк аддаў $8 тыс. У такую суму ацанiў вырашэнне пытання мясцовы жыхар, якi вызваўся дапамагчы, спаслаўшыся на сувязi ў мясцовых органах улады. Падчас перадачы хабару ад камерсанта ён быў затрыманы супрацоўнiкамi праваахоўных органаў. Мужчына аказаўся раней судзiмым за разбой. Узбуджана крымiнальная справа.

Сёлета на пачатак года на ўлiку ў ДАI ў Беларусi стаiць больш за 376 тыс. "жыгулёў", якiя належаць прыватным аўтаўладальнiкам. На другiм месцы — "Фольксваген" (каля 276 тыс.). У пяцёрку лiдараў уваходзяць "Масквiч" i "Запарожац", якiх у насельнiцтва адпаведна 179 i 107 тысяч. Па звестках Дзяржаўтаiнспекцыi, сярод машын расiйскай i ўкраiнскай вытворчасцi нямала такiх, якiя стаяць на ўлiку, аднак на iх даўно нiхто не ездзiць. У дзесятку лiдараў ўваходзяць "Аўдзi" (каля 152 тыс.), "Форд" — каля144 тыс., "Опель" — каля 135 тыс., "БМВ" — больш за 106 тыс., "Рэно" — каля 80 тыс., "Мерседэс-бэнц" — 64 тыс. У нашай краiне 227 "Поршаў", 182 "Лiнкальны". 167 грамадзян краiны ездзяць на "Ягуарах", 137 — на "Кадзiлаках". На дарогах Беларусi вам могуць сустрэцца 42 "Хамеры". Нядаўна ў ДАI зарэгiстраваны першы "Ферары" 2008 года выпуску. 4 жыхары краiны маюць "Бентлi", 7 — "Мазэрацi". Цяпер у краiне каля 2,1 млн легкавых аўтамабiляў. За апошнiя 2—3 гады жыхары Беларусi сталi купляць на 60 працэнтаў больш новых аўтамабiляў.

На спецыяльным аўкцыёне ў Балгарыi былi спушчаныя з малатка калекцыйныя лiмузiны савецкай эпохi. На iх перавозiлi такiх вядомых палiтыкаў, як Гарбачова, Кастра, Мiтэрана i iнш. Усяго пакупнiкам было прапанавана 66 машын, з якiх 20 лiмузiнаў "Чайка". Стартавы кошт "Чаек" складаў ад 8,5 тыс. да 11,5 тыс. еўра. У таргах прынялi ўдзел больш за сто чалавек. Адзiн з iх набыў адразу восем лiмузiнаў. Усе выручаныя грошы — больш за 260 тыс. еўра — будуць накiраваныя на куплю новых аўтамабiляў для Нацыянальнай гвардыi краiны.

Тыдзень таму на Дзень Канстытуцыi ва Ўкраiне прэзiдэнт краiны Вiктар Юшчанка разам з усiмi саджаў кусты калiны. Толькi пасадзiлi, як заггасы недалiчылiся некалькiх рыдлёвак, аб чым праведалi журналiсты. Кожная рыдлёўка каштавала 250 грыўняў. Куды падзеўся прэзiдэнцкi рэквiзiт, прэс-служба каментаваць згадзiлася не адразу. Толькi нядаўна было заяўлена, што рыдлёўкi не гублялi, а прэзiдэнт сам падарыў iх сваiм падначаленым, якiя ўсё ж вярнулi iнструмент. Увогуле ў сакратарыяце ўкраiнскага прэзiдэнта больш за 20 рыдлёвак. Але элiтных, па 50 долараў, толькi 5.

Дэпутатам Нацыянальнай асамблеi Бутана забаранiлi прыносiць на пасяджэннi парламента ноўтбукi — з-за апасення, што "слугi народа" будуць прысвячаць працоўны час камп’ютарным гульням i разгляду пiкантных карцiнак. Нягледзячы на тое, што многiя дэпутаты пратэставалi i спрабавалi сцвярджаць, што ноўтбукi намнога зручнейшыя, чым папяровыя дакументы, iм строга забаранiлi прыносiць партатыўныя камп’ютары на пасяджэннi.