На паліграфiстаў, абутнiкаў i будаўнiкоў — бясплатна!

Источник материала:

На паліграфiстаў, абутнiкаў i будаўнiкоў — бясплатна! КУП "Маладзёжная сацыяльная служба" (Мiнск) арганiзуе бясплатнае навучанне выпускнiкоў рэспублiкi 9—11-х класаў па найбольш запатрабаваных на рынку працы спецыяльнасцях у сферы будаўнiцтва, абутковай i палiграфiчнай вытворчасцяў. Аб гэтым паведамiла белта намеснiк дырэктара прадпрыемства Ірына Скорына.   У сферы будаўнiцтва маладыя людзi будуць навучацца па спецыяльнасцях муляр, тынкоўшчык, аблiцоўшчык, плiтачнiк, сталяр i iншых, у сферы абутковай вытворчасцi — зборшчык абутку, раскройшчык матэрыялаў, пашыўшчык вырабаў i iншых, палiграфiчнай вытворчасцi — пераплётчык, друкар, машынiст аўтаматычных лiнiй па вырабе кнiг i iншых. На кожную спецыяльнасць мяркуецца набраць каля 100 чалавек. Iншагароднiм з аддаленых рэгiёнаў плануецца прадастаўляць iнтэрнат, расказала субяседнiца. Адбор прэтэндэнтаў закончыцца ў жнiўнi—вераснi гэтага года. Тэрмiн навучання складзе ад 1 да 3 гадоў.