Глеб нарэшце ў Барселоне

Источник материала:

З перамогi стартавалi футбалiсты барысаўскага БАТЭ ў першым матчы квалiфiкацыйнага раўнда Лiгi чэмпiёнаў супраць iсландскага "Валюра" — 2:0. Абодва галы ў другiм тайме гульнi забiў Генадзь Блiзнюк на 73-й i 78-й хвiлiнах. Хоць беларусы былi фаварытамi сустрэчы, галоўны трэнер пераможцаў Вiктар Ганчарэнка сказаў пасля матча, што гульня з "Валюрам" паказала: нельга недаацэньваць любога сапернiка. "Супраць каманды, якая гуляе ад абароны i ўмее гэта рабiць, гуляць вельмi цяжка, — заўважыў ён. — у чарговы раз я здымаю капялюш перад сваiмi iгракамi, якiя нягледзячы на напружаны графiк, аддаюць гульнi ўсе сiлы". Настаўнiк таксама прызнаўся, што любiць лiк 2:0, з якiм i завяршыўся паядынак. Наконт далейшых перспектыў Вiктар Ганчарэнка не стаў загадваць. Наперадзе яшчэ матч у адказ 23 лiпеня ў Рэйк’явiку.

Судзейскi камiтэт Беларускай федэрацыi футбола, пасяджэнне якога працягвалася больш за сем гадзiн, вынес рашэнне аб пажыццёвай дысквалiфiкацыi рэферы ФІФА Сяргея Шмолiка. Такое пакаранне брастаўчанiну пагражае за неадэкватныя паводзiны ў час матча 13-га тура чэмпiянату краiны "Вiцебск" — "Нафтан" 5 лiпеня. Суддзя растлумачыў гэта болем у спiне, але медагляд у псiханеўралагiчным дыспансэры пацвердзiў наяўнасць нецвярозага стану арбiтра. Аналiзатар пароў алкаголю зафiксаваў 1,170 мiкраграмаў на лiтр у выдыхальным паветры, што адпавядае 2,6 прамiле (пасля 2,5 прамiле наступае цяжкая ступень алкагольнага ап’янення). У блiжэйшыя днi пройдзе пасяджэнне дысцыплiнарнага камiтэта БФФ, якое i расставiць усе кропкi над "i". Праўда, наўрад цi мера пакарання вiнаватага будзе паменшана.

Галоўны настаўнiк хакейнага клуба "Дынама" Пол Гарднер нарэшце прыбыў у Мiнск (канадзец спазнiўся на збор каманды з-за авiякампанii). Цiкава, што трэнер прывёз з сабой свае любiмыя каўбойскiя боты i камiчныя гальштукi, а вось жонка паўночнаамерыканскага спецыялiста Шэры i iх малодшыя дзецi пакуль засталiся за акiянам. Яны прыедуць у Беларусь у жнiўнi. Мiж тым стаў вядомы час пачатку дамашнiх матчаў "Дынама". Сустрэчы ў Мiнску запланаваныя на 18.30 у буднi i на 17 гадзiн у выхадныя днi. Аднак на арэнах усiх сапернiкаў беларусаў па дывiзiёне Усевалада Баброва (уфiмскi "Салават Юлаеў", падмаскоўны "Атлант", чарапавецкая "Паўночсталь", новакузнецкi "Металург" i маскоўскi "Спартак") гульнi ў буднi будуць пачынацца а 19-й гадзiне. Нагадаем, што ў КХЛ дынамаўцы дэбютуюць у пачатку верасня матчам у гасцях у новакузнецкага "Металурга". Паводле iнфармацыi прэс-аташэ "бела-блакiтных" Андрэя Вашкевiча, склад мiнчан неўзабаве могуць папоўнiць абаронцы, якiя выступалi за яраслаўскi "Лакаматыў", што ўзначальваў Гарднер. Гэта расiянiн Iгар Уланаў i фiн Ары Валiн.

Нацыянальную футбольную зборнуюанii будзе трэнiраваць былы настаўнiк мадрыдскага "Рэала" Вiсэнтэ Дэль Боске. 57-гадовы спецыялiст прыйшоў на змену Луiсу Араганесу, якi ўзначалiў турэцкi "Фенербахчэ". Вiсэнтэ Дэль Боске будзе працаваць з iспанцамi, паводле ўмоў кантракта, 2 гады. Новы трэнер супакоiў балельшчыкаў, што хоча захаваць атакуючы стыль гульнi чэмпiёнаў Еўропы-2008.