Указ Прэзiдэнта Рэспублiкi Беларусь № 386

Источник материала:

Назначыць генерал-маёра Жадобiна Юрыя Вiктаравiча Дзяржаўным сакратаром Савета Бяспекi Рэспублiкi Беларусь, вызвалiўшы яго ад пасады Старшынi Камiтэта дзяржаўнай бяспекi Рэспублiкi Беларусь.

Юрый Вiктаравiч Жадобiн нарадзiўся ў 1954 годзе ў г. Днепрапятроўск (Украiна). Ва Узброеных Сiлах з 1972 года. У 1976 годзе скончыў Казанскае вышэйшае танкавае каманднае вучылiшча, у 1985 — камандны факультэт Ваеннай акадэмii бранятанкавых войскаў у Маскве. Генерал-маёр.

З 1976 па 1990 год прайшоў усе службовыя ступенi ад камандзiра ўзвода да камандзiра палка. З 1990 па 1999 год Юрый Жадобiн служыў на камандных пасадах у сiстэме Грамадзянскай абароны Беларусi, унутраных войсках МУС рэспублiкi.

З 1999 года займаў пасаду намеснiка мiнiстра ўнутраных спраў — камандуючага ўнутранымi войскамi. З верасня 2003 года займаў пасаду начальнiка Службы бяспекi Прэзiдэнта Рэспублiкi Беларусь. У лiпенi 2007 года быў назначаны старшынёй Камiтэта дзяржаўнай бяспекi.