Чатыры прадпрыемствы Беларусi будуць маркiраваць прадукцыю знакам "Натуральны прадукт"

Источник материала:

Чатыры прадпрыемствы Беларусi будуць маркiраваць прадукцыю знакам "Натуральны прадукт" Чатыры прадпрыемствы Беларусi сёння атрымалi права маркiраваць прадукцыю знакам "Натуральны прадукт". Гэта ААТ "Савушкiн прадукт" (Брэст), СТАА "Дарыда" i гармалзаводы № 1 i № 3 горада Мiнска. Сертыфiкаты кiраўнiкам гэтых прадпрыемстваў уручыў старшыня Дзяржстандарту Беларусi Валерый Карашкоў.   У групу тавараў, якiя атрымалi сертыфiкат на права нанясення знака "Натуральны прадукт" увайшлi: тварог зярнёны "101 зерне + вяршкi", тварог "Вясковы", ражанка 4-працэнтнай тлустасцi, сок бярозавы з цукрам пастэрызаваны (вытворчасць ААТ "Савушкiн прадукт"); тварог "Аколiца", ражанка "Пяшчотнасць", два вiды малака, смятана "Сталiчная", кефiр розных вiдаў тлустасцi, кефiр дзiцячы, сыракваша "Мечнiкаўская" (вытворчасць КВУП "Гарадскi малочны завод № 3, Мiнск); тры вiды тварагоў зярнёных "Славянскiя традыцыi" (вытворчасць ААТ "Гарадскi малочны завод № 1", Мiнск); вада пiтная "Ёдная Дарыда", вада мiнеральная лячэбна-сталовая, вада пiтная негазiраваная (вытворчасць СТАА "Дарыда", Мiнскi раён). Права маркiроўкi знакам "Натуральны прадукт" прадастаўлена на тры гады.

БЕЛТА.