Бурачны квас

Источник материала:

Усе ведаюць, наколькi карысным з’яўляецца бурачны квас для гiпертонiкаў, трэба толькi ведаць, як правiльна i з якiх буракоў можна прыгатаваць такi каштоўны напой.

Сталовыя буракi, у адрозненне ад цукровых, акрамя цукру змяшчаюць вялiкую колькасць аскарбiнавай i нiкацiнавай кiслот, толькi ў сталовых бураках прысутнiчаюць у вялiкай колькасцi бетанiн i беацiн, якiя адыгрываюць важную ролю ў абмене рэчываў у арганiзме чалавека. Яны i надаюць чырвоную цi бардовую афарбоўку караняплодам, а бетанiн садзейнiчае ўмацаванню сценак крывяносных сасудаў. Больш за ўсё бетанiну змяшчаецца ў такiх гатунках як "Непараўнальныя" i "Падзiмнiя". Гатункi "Бардо 237" i "Бардо аднанасенная" маюць уласцiвасць менш накапляць нiтратаў у караняплодах, бо iх павышаная колькасць можа садзейнiчаць няправiльнаму ходу браджэння.

Нацерцi буракi на буйной тарцы, адцiснуць 300 мл соку, дадаць 1,5 л гатаванай халоднай вады i 300 г цукру, выцiснуць сок 1 лiмона. Усё гэта залiць у пяцiлiтровую пасудзiну, прыкрыць чыстай марляй, складзенай у два слаi, паставiць на кухнi, дзе цёпла — праз 2 днi пачынаецца браджэнне.

Пiць бурачны квас па 1/3 шклянкi 3—4 разы на дзень. Каб квас не перакiсаў, працадзiць праз марлю, разлiць у чыстыя лiтровыя слоiкi i захоўваць у халадзiльнiку.