Калi кармiць?

Источник материала:

Калi кармiць? У працэсе сваёй жыццядзейнасцi раслiны бяруць з глебы ваду i пажыўныя мiнеральныя рэчывы ў выглядзе слабых водных раствораў. Вядома, што адны раслiны хутчэй растуць удзень, другiя — уначы. Напрыклад, бульба, памiдоры, буракi, морква, груша, малiна, канюшына, лубiн хутчэй растуць уначы. А вось парэчкi, агрэст, вiнаград, агуркi, кабачкi, гарбузы лепш любяць расцi ўдзень. Раслiны, якiя любяць расцi ўначы, больш рэагуюць на догляд i больш жыццяздольныя. У адпаведнасцi з асаблiвасцямi росту ў пэўны час сутак пазакаранёвыя падкормкi, а таксама слабыя водныя растворы "аматарам начнога ўкладу жыцця" лепш даваць вечарам, а дзённага — з самага ранку. Такi iндывiдуальны падыход дазваляе больш рацыянальна выкарыстоўваць мiнеральныя ўгнаеннi i мiкраэлементы. Калi вы не згодныя з такiм сцвярджэннем бывалых агароднiкаў, тады паназiрайце самi, як рэагуюць вашы гадаванцы ў садзе-агародзе на падкормкi ў розны час.   Рубрыку  вядзе  Валянціна Шпілеўская, тэл. 285 88 81