Найбольшы попыт — на рабочых

Источник материала:

Паводле звестак мiнiстэрства, у чэрвенi ў 54 рэгiёнах краiны ўзровень беспрацоўя быў меншым за 1 працэнт, у 56 рэгiёнах ён вагаўся ў межах ад 1,1 да 1,5 працэнта, у 16 рэгiёнах — у межах 1,6—2 працэнта, i толькi ў Ганцавiцкiм, Іванаўскiм, Пастаўскiм i Брагiнскiм раёнах гэты паказчык перавышаў адзнаку 2 працэнты.

Адной з прычын стрымлiвання беспрацоўя спецыялiсты называюць высокi попыт на працоўную сiлу — з пачатку года ў краiне было прынята на работу на 30,4 тыс. чалавек больш, чым звольнена. Зноў-такi эканамiчнай сiтуацыяй тлумачыцца i скарачэнне (на 61,1 тыс. чалавек, або на 36,6 працэнта да аналагiчнага перыяду летась) колькасцi работнiкаў, якiя занятыя ў няпоўным рэжыме.

Пры гэтым, адзначыла Галiна Трафiменка, з пачатку года ўдалося стварыць 85 тыс. новых працоўных месцаў, i ў тым лiку 16,5 тыс. працоўных месцаў — у малых гарадах. Як вынiк, сёлета адзначаецца знiжэнне паказчыкаў беспрацоўя ў 27 з 36 найбольш праблемных рэгiёнаў.

Мiж тым, яшчэ адной асаблiвасцю гэтага года можна назваць iстотнае (больш чым на 20 працэнтаў адносна аналагiчнага перыяду летась) павелiчэнне колькасцi вакансiй. Зараз службы занятасцi валодаюць iнфармацыяй аб наяўнасцi 68,7 тыс. свабодных працоўных месцаў. Разам з тым кан’юнктура попыту засталася ранейшай. Айчынны рынак працы арыентуецца на рабочыя прафесii — iх доля ў агульнай заяўцы наймальнiкаў выйшла на адзнаку 80,5 працэнта.