Даходы ІП ад продажу выпушчаных у сельскай мясцовасці тавараў вызваляюцца ад падаходнага падатку

Источник материала:

Iндывiдуальныя прадпрымальнiкi, якiя атрымлiваюць даходы ад рэалiзацыi вырабленых у сельскай мясцовасцi тавараў, вызваляюцца ад выплаты падаходнага падатку. Гэта прадугледжана Дэкрэтам № 17 "Аб унясеннi змяненняў i дапаўненняў у дэкрэты Прэзiдэнта Рэспублiкi Беларусь ад 20 снежня 2007 г. № 9 i ад 28 студзеня 2008 г. № 1", якi падпiсаў 12 жнiўня кiраўнiк дзяржавы Аляксандр Лукашэнка.

Дакументам унесены змяненнi i дапаўненнi ў дэкрэты ад 20 снежня 2007 года № 9 "Аб некаторых пытаннях рэгулявання прадпрымальнiцкай дзейнасцi на тэрыторыi сельскiх населеных пунктаў" i ад 28 студзеня 2008 года № 1 "Аб стымуляваннi вытворчасцi i рэалiзацыi тавараў (работ, паслуг)".

Дэкрэт павiнен урэгуляваць асобныя пытаннi, што ўзнiкаюць пры прымяненнi спецыяльных рэжымаў, вызначаных у названых дэкрэтах, у сферы падаткаабкладання, лiцэнзавання, крэдытавання, цэнаўтварэння, дзяржаўных закупак сыравiны, камплектуючых i матэрыялаў для арганiзацый i iндывiдуальных прадпрымальнiкаў, якiя вырабляюць тавары ў сельскай мясцовасцi.

У сувязi з гэтым прадугледжваецца магчымасць прымянення спецыяльных рэжымаў, устаноўленых у дэкрэтах № 9 i № 1, не толькi ў сельскiх населеных пунктах, але i за iх межамi (на тэрыторыi сельсаветаў, за выключэннем тэрыторыi пасёлкаў гарадскога тыпу i гарадоў раённага падпарадкавання).

Прадастаўляецца магчымасць прымянення спецыяльных рэжымаў не толькi арганiзацыям, але i iх фiлiялам, прадстаўнiцтвам, iншым адасобленым падраздзяленням юрыдычных асобаў, якiя ажыццяўляюць дзейнасць па вытворчасцi тавараў у сельскай мясцовасцi.

Рэалiзацыя палажэнняў дэкрэта дасць магчымасць пашырыць сферу прымянення мераў, устаноўленых дэкрэтамi № 9 i № 1, прыцягнуць новыя iнвестыцыi ў сельскую мясцовасць, малыя i сярэднiя населеныя пункты, актывiзаваць прыватную iнiцыятыву, а таксама будзе садзейнiчаць сацыяльна-эканамiчнаму развiццю рэгiёнаў i павышэнню iх эканамiчнага патэнцыялу.

Прэс-служба Прэзiдэнта Рэспублiкi Беларусь.