Маліны

Источник материала:

* Малiны — у народнай культуры заўсёды сiмвалiзавалi радасць, сласталюбства i чамусьцi зайздрасць. Малiнавы колер у старажытнай Русi лiчыўся сiмвалам юнацкага запалу, спрыту. У больш шырокiм сэнсе малiны, з-за таго, што растуць паўсюдна моцнымi сцяблiнамi, маюць магчымасць абмiнуць перашкоды на шляху росту, заўсёды сiмвалiзавалi вольнасць, магчымасць рабiць, што захоча. Цi не таму казалi: "Не жыццё, а малiна".

* Народныя знахары выкарыстоўвалi малiны (сухiя ягады, кветкi, варэнне, маладыя парасткi) як патагонны сродак пры прастудзе i кашлi, атручэннi, як супрацьзапаленчы сродак, пры болi ў спiне i суставах.

* Настой з малiнавых кветак вельмi эфектыўна выкарыстоўвалi як сродак супраць атручэння пры ўкусах змей i скарпiёнаў, адварам з кветак прамывалi чырвоныя ад запалення вочы; водным настоем кветак паласкалi горла пры ангiне.

* А яшчэ нашы продкi ўмелi прыглядацца, захоўваць i перадаваць ад пакалення да пакалення вынiкi сваiх назiранняў. Прыкмячалi: калi шмат малiнаў — да ўраджаю хлеба.

Аксана КАТОВІЧ, Янка КРУК.