Алімпiйскае вар’яцтва

Источник материала:

Урад Кiтайскай Рэспублiкi звярнуўся да свайго народа з просьбай падтрымаць Алiмпiйскiя гульнi ў Пекiне, аднак, па ўсёй верагоднасцi, кiтайскiя балельшчыкi ўспрынялi iнiцыятыву занадта блiзка да сэрца.

Паведамленнi аб розных формах кiтайскага патрыятызму сталi паступаць у рэдакцыi мясцовых газет i вэб-сайтаў з моманту пачатку Алiмпiйскiх гульняў. Фiгурнае выгаленне 5 алiмпiйскiх кольцаў на галаве — гэта яшчэ самая бяскрыўдная забаўка. У большасцi выпадкаў перакананыя фанаты, якiя гуляюць па Пекiне або побач з алiмпiйскай вёскай, паводзяць сябе значна больш эксцэнтрычна. Так Лiу Сiанхой праехаў больш за 13 кiламетраў да Пекiна, везучы на велакэбе (кiтайскiм ровары з калёсамi) сваю 98-гадовую мацi, якая ўсё жыццё марыла пабываць на Алiмпiядзе. А 59-гадовы доктар традыцыйнай кiтайскай медыцыны Уэн Шэнгчу ўторкнуў сабе ў галаву 200 акупунктурных iголачак са сцяжкамi краiн — удзельнiц Алiмпiяды. 62-гадовы Хуанг Джунд зрабiў алiмпiйскiя сiмвалы з 1860 значкоў з малюнкам былога лiдара камунiстычнага Кiтая Мао Цзэдуна.

У Пекiне, уважлiва назiраючы за людзьмi на вулiцах, можна здзiўляцца амаль кожную хвiлiну. Возьмем, скажам, мужчыну, якi iдзе ўнiз па вулiцы ў накiрунку да стадыёна "Птушынае гняздо", — у яго чырвоны гарнiтур i высокiя абцасы, а на галаве карона з пальмавага лiсця i кiтайскiх сцяжкоў, якiя спадаюць на плечы. Іншы наведвальнiк стадыёна проста пабудаваў у сябе на галаве муляж птушынага гнязда. 72-гадовы Сан Шыджэ з правiнцыi Хебей вырасцiў святое Дрэва Пяцi Алiмпiйскiх Кольцаў. Мужчына доўгi час працаваў над галiнкамi выгадаванага падуба, старанна падстрыгаў i падвязваў iх такiм чынам, каб крона сапраўды стала падобная на кольцы. За 16 дзён вучань сярэдняй школы Янг Йiджые праехаў на ролiках 2300 кiламетраў з горада Гуанджоў у правiнцыi Гуанджонг да Пекiна, па дарозе запiсваючы iмёны ўсiх алiмпiйскiх прыхiльнiкаў i актывiстаў. 67-гадовы пенсiянер Ху Уеньюан упрыгожыў свой матацыкл з каляскай налепкамi з алiмпiйскай сiмволiкай, ператварыўшы яго ў "рухомую" рэкламу Алiмпiйскiх гульняў-2008. Асаблiва шмат налепак з кольцамi i з алiмпiйскiмi слоганамi, як "Адзiн свет — адна мара". "Я ўкладваю, я ўдзельнiчаю, я проста шчаслiвы", — запэўнiвае Ху, усмiхаючыся да вушэй. Акрамя таго, па словах старога, Алiмпiяда — гэта элiксiр супраць старэння. Ён верыць, што задавальненне, якое ён атрымлiвае ад паездак на сваiм "алiмпiйскiм" матацыкле, падоўжыць яму жыццё на некалькi гадоў.