Хроніка апошніх падзей

Источник материала:

Расiя прызнала незалежнасць Абхазii i Паўднёвай Асецii

Аб гэтым заявiў прэзiдэнт РФ Дзмiтрый Мядзведзеў.

Паводле яго слоў, пасля падзей жнiўня 2008 года магчымасцi iснавання Паўднёвай Асецii i Абхазii ў складзе Грузii больш няма. Прэзiдэнт РФ падпiсаў адпаведныя ўказы i заклiкаў iншыя краiны прызнаць Паўднёвую Асецiю i Абхазiю. Мядзведзеў таксама даручыў МЗС усталяваць дыпламатычныя адносiны з Абхазiяй i Паўднёвай Асецiяй. Расiйскае замежнапалiтычнае ведамства ў хуткiм часе пачне падрыхтоўку дагавораў аб сяброўстве, супрацоўнiцтве i ўзаемадапамозе з дзвюма рэспублiкамi. Тым часам стала вядома, што часцi расiйскай армii застануцца на тэрыторыi рэспублiк для падтрымання мiру па просьбе прэзiдэнтаў Абхазii i Паўднёвай Асецii.

Рашэнне прэзiдэнта Расii пракаментаваў пастаянны прадстаўнiк РФ пры НАТА Дзмiтрый Рагозiн. Паводле яго слоў, прызнанне незалежнасцi рэспублiк — гэта лiшняе пацвярджэнне таго, што ў Расii не было планаў па анэксii грузiнскiх тэрыторый (у чым Маскву неаднаразова абвiнавачваў Тбiлiсi).

Цiмашэнку абвiнавацiлi ў адрачэннii ад свайго народа

Кiраўнiк сакратарыята прэзiдэнта Украiны Вiктар Балога рэзка негатыўна ацанiў няўдзел прэм’ер-мiнiстра Юлii Цiмашэнкi ва ўрачыстасцях з нагоды Дня Незалежнасцi.

Пазiцыi Цiмашэнкi ва Украiне апошнiм часам заў-важна пахiснулiся. Гэта звязана з яе, як мяркуе служба бяспекi Украiны, "прарасiйскiмi поглядамi". "Нахабна праiгнараваўшы святочныя мерапрыемствы, Цiмашэнка кiнула выклiк усiм украiнцам, якiя ў гэты светлы дзень адзначалi 17-ю гадавiну дзяржаўнай незалежнасцi сваёй Айчыны", — заявiў Балога.

ААН пацвердзiла гiбель 90 мiрных афганцаў пад бомбамi НАТА

Камiсiя ААН, якая расследавала правядзенне ваеннай аперацыi каалiцыйных сiлаў у афганскай правiнцыi Герат, пацвердзiла факт забойства 90 мiрных жыхароў.

Паводле слоў прадстаўнiка мiсii дапамогi ААН Афганiстану, ААН валодае пераканаўчымi доказамi таго, што на мiнулым тыднi ў вынiку авiяўдараў каалiцыйных сiлаў НАТА па базах талiбаў у заходняй правiнцыi Герат загiнулi 90 мiрных жыхароў, у тым лiку 60 дзяцей.

У ЗША "на агледзiны" адправiлiся дэлегацыi кандыдатаў у прэзiдэнты Грузii?

У ЗША па запрашэннi ўплывовых iнстытутаў выехала некалькi дэлегацый з Грузii.

У iх складзе спiкер парламента Давiд Бакрадзэ, яго папярэднiца Нiно Бурджанадзэ, прадстаўнiкi апазiцыi i ўладных структур. Вiзiт палiтыкаў даў падставу для сцвярджэнняў аб тым, што расчараваны ў Саакашвiлi Вашынгтон учынiў агледзiны патэнцыйных зменшчыкаў.