Мiсiя наглядальнiкаў ад СНД адзначае належную арганiзацыю парламенцкiх выбараў у Беларусi

Источник материала:

Работа выбарчых органаў па выбарах дэпутатаў Палаты прадстаўнiкоў Нацыянальнага сходу Беларусi мае адкрыты i празрысты характар, перашкод дзейнасцi наглядальнiкаў з боку членаў камiсiй не адзначана. Аб гэтым гаворыцца ў прамежкавай справаздачы мiсii наглядальнiкаў ад СНД.

"Наведванне выбарчых камiсiй паказала высокую арганiзацыйную гатоўнасць i забяспечанасць неабходным абсталяваннем i нарматыўна-метадычнымi матэрыяламi для правядзення выбараў", — адзначаецца ў справаздачы.

Штаб мiсii наглядальнiкаў ад СНД таксама канстатуе, што ў Беларусi створаны неабходныя ўмовы для ўнутранага назiрання за ходам падрыхтоўкi парламенцкiх выбараў i за правядзеннем галасавання.

Мiсiя наглядальнiкаў лiчыць, што выканаўчыя органы i выбарчыя камiсii ўсiх узроўняў на першых этапах кампанii па выбарах дэпутатаў Палаты прадстаўнiкоў Нацыянальнага сходу Беларусi чацвёртага склiкання забяспечылi належную арганiзацыю выбарчага працэсу.

Па стану на 26 жнiўня ў складзе мiсii працавалi 35 доўгатэрмiновых наглядальнiкаў, акрэдытаваны 62 наглядальнiкi, якiя прадстаўляюць дзяржавы Садружнасцi, Мiжпарламенцкую асамблею СНД.

БЕЛТА.