Бульба пакуль "трымае вагу". І цану

Источник материала:

Памiдораў пакуль больш, аднак кошт iх крыху змянiўся: за зусiм дробныя просяць 2,2 тысячы, больш прыстойныя — 3,5 тысячы рублёў за кiлаграм (было 2—2,5 тысячы). Практычна па тых жа цэнах, што i два тыднi таму, прадаюць баклажаны (2,8—3,5 тысячы), цыбулю (1,5—1,8 тысячы). Фiялетавая цыбуля нарэшце стала каштаваць больш-менш зразумелыя 5 тысяч рублёў за кiлаграм, а не 15, чаму цяжкавата было знайсцi тлумачэнне. Салодкi перац на рынку прадаюць па 2,8—5 тысяч (нядаўна прасiлi 3,5—6 тысяч), моркву — па 1,2—1,5 (1,5—2 тысячы). Капусту ўжо можна набыць па 600 рублёў за кiлаграм, буракi — па 1 тысячы, часнок новага ўраджаю — па 8 тысяч рублёў.

Бульбу два тыднi таму тут прадавалi па 850—1 тысячы, цяпер — па 900—1,2 тысячы рублёў за кiлаграм. Дарэчы, пакуль не скажаш, што выбар асаблiва багаты ды i цана пакуль здаецца не надта малой. Тое ж датычыцца i рынкаў у "спальных" раёнах горада: кошт бульбы трымаецца прыкладна на такiм жа ўзроўнi i прадаюць яе пакуль пераважна на вагу, дробны опт у выглядзе звыклых 30—40-кiлаграмовых сетак адсутнiчае.

Вiнаград на Камароўцы спажыўцы набываюць па 3,5 тысячы (з Малдовы) да 6,5 тысячы рублёў за кiлаграм (з Iталii). Зрэшты, ёсць яшчэ i турэцкi, грэчаскi, узбекскi. Цэны на нектарыны i персiкi "трымалiся" ў памеры 5—6,5 тысячы рублёў увесь жнiвень, i ў далейшым, напэўна, наўрад цi знiзяцца. Лiмоны можна набыць па 4—5,5 тысячы (два тыднi таму было 5,5 тысячы рублёў). Як мы ўжо зазначалi раней, пакуль гэта самая малая цана за ўвесь год. Прадаўцы дынь i кавуноў лiтаральна "хапаюць" пакупнiкоў за рукi. "Калгаснiцу" прапаноўваюць па 2—2,5 тысячы (было нядаўна 2,6—2,8 тысячы), "Тарпеду" — па 5 тысяч рублёў за кiлаграм (столькi ж i засталося). Крыху падаражэлi кавуны — да 1,3—1,5 тысячы супраць нядаўнiх 1,2 тысячы рублёў (хоць, гавораць, на аптовым рынку кiлаграм кавуна можна набыць за 1 тысячу). Буякi на радах прапаноўваюць па 18 тысяч рублёў за кiлаграм. Яблыкаў шмат, асаблiва "белага налiву", якi каштуе ад 2,8 да 6 тысяч за кiлаграм, iншыя гатункi iдуць па 3—4 тысячы.