Упершыню на выставе — салон зааіндустрыi

Источник материала:

З 9 па 12 верасня ў павiльёне НВЦ "Белэкспа" ў Мiнску будзе праходзiць выстава-кiрмаш "Паляванне i рыбалоўства". Паколькi цiкаўнасць да гэтых заняткаў з боку насельнiцтва павялiчваецца, праводзiцца яна двойчы на год: увесну i ўвосень.

На выставе можна будзе аформiць пуцёўкi на паляванне i рыбалку ў паляўнiчыя гаспадаркi краiны. Усяго свае паслугi збiраюцца прапанаваць наведвальнiкам больш за 200 такiх гаспадарак. Шырока будуць прадстаўлены тавары для актыўнага адпачынку i турызму, у тым лiку лодкi, катэры, водныя матацыклы, снегаходы, квадрацыклы, усё патрэбнае для дайвiнгу i падводнага палявання. Ахвотнiкам прапануюць навучыцца падводнаму плаванню з аквалангам. Па традыцыi пройдзе чарговы конкурс на самыя цiкавыя рыбалоўныя фотатрафеi i агляд-конкурс на лепшыя самаробныя рыбалоўныя прылады. Упершыню сёлета ў рамках выставы будзе арганiзаваны салон зааiндустрыi. Тэмай яго стануць сабакi, адпаведна, будуць прадстаўлены кармы, аксесуары, ветэрынарыя. Плануецца касцюмiраванае шоу, конкурсы "Самы абаяльны шчанюк", "Парода года", "Лепшы сабака выставы".