Дзіўны свет: чытаць газету або слухаць "песню дажджу"?

Источник материала:

Фэст пройдзе на трох сцэнiчных пляцоўках: у Брэсцкiм тэатры драмы i музыкi, у Цэнтры маладзёжнай творчасцi i на галоўнай плошчы горада — плошчы Ленiна, дзе па традыцыi праходзяць вулiчныя спектаклi. На гэты раз так любiмыя моладдзю вячэрнiя адкрытыя паказы будуць iсцi каля новых фантанаў тры днi запар. Карнавал "Мары" пакажа Кiеўскi акадэмiчны Малады тэатр, вулiчны спектакль "Fеminа v2" — тэатр "А РАRТ" з польскага горада Катавiцы. А ў дзень адкрыцця фестывалю на плошчу выйдзе Львоўскi тэатр "Уваскрэсенне" са спектаклем без слоў "Дзiўны свет, або Як людзi чытаюць газеты". Дарэчы, летась за вулiчную версiю чэхаўскага "Вiшнёвага саду" гэты калектыў атрымаў Гран-пры "Белай вежы".

Са старых знаёмых на брэсцкiх падмостках выступяць малдаўскi тэатр "Лучафэрул", Абхазскi дзяржаўны драматычны тэатр, Бурацкi акадэмiчны тэатр драмы, а таксама невялiкi драматычны тэатр Льва Эрэнбурга з С.-Пецярбурга. Апошнi два гады таму паказаў вельмi цiкавы спектакль "На дне". Цяпер ён вязе нам драму "Iванаў". Звяртае на сябе ўвагу ў тэатральнай афiшы трагiчная гiсторыя Марыi Сцюарт у трактоўцы Кiеўскага акадэмiчнага Маладога тэатра i драматычная п’еса "Што Курт Кобейн узяў з сабой" тэатра з венесуэльскага Каракаса.

Трынаццатая "Вежа" адметная мноствам маладых эксперыментальных тэатраў. Тэатр-студыя iмя Яўстафiя Мiровiча з Мiнска абяцае падарожжа ў загадкавы свет кiно ў спектаклi "Ах, Галiвуд, Галiвуд, Галiвуд..." А вось артысты Маскоўскага тэатра "Цэнтр драматургii i рэжысуры" падрыхтавалi адну з самых загадкавых i эратычных п’ес французскага мiстыка i сiмвалiста Поля Кладэля "Паўдзённы раздзел". Яшчэ адзiн калектыў з Расii — тэатр пластычнай драмы "ЧалаВЕК" (С.-Пецярбург) прапануе спектакль-целасузiранне "Песнi дажджу".

Брэсцкае тэатральнае свята разлiчана роўна на тыдзень — з 12 па 19 верасня. А развiтальным акордам яго стане цудоўная музыка Чайкоўскага i чароўны балет "Шчаўкунчык" Нацыянальнага акадэмiчнага Вялiкага тэатра балета Рэспублiкi Беларусь".