Найбольш папулярныя ўклады — у Br

Источник материала:

Такiм чынам, за студзень-жнiвень насельнiцтва размясцiла ў банкаўскiя ўклады амаль 2,6 трыльёна рублёў (рост апошнiх склаў 24,6 працэнта). Па-ранейшаму найбольш папулярнымi ў людзей застаюцца дэпазiты ў беларускiх рублях, якiя павялiчылiся з пачатку года на 29 працэнтаў i дасягнулi звыш 8,7 трыльёна рублёў. Уклады ж у замежнай валюце прыраслi на 19,1 працэнта, i цяпер у людзей на дэпазiтах у эквiваленце болей за два мiльярды долараў ЗША. Як падкрэслiваюць у Нацбанку, цiкавасць насельнiцтва да размяшчэння сваiх сродкаў у фiнансавых установах тлумачыцца, у тым лiку, i тым, што апошнiм часам з’явiлiся такiя вiды дэпазiтаў, якiя разлiчаны на асобныя катэгорыi грамадзян, а таксама на пэўныя мэты, з рознымi тэрмiнамi пагашэння i дастаткова гiбкiмi ўмовамi захоўвання. Акрамя таго, з мэтай прыцягнення грошай людзей ва ўклады на доўгi тэрмiн банкамi распрацаваны вiды дэпазiтаў з яшчэ больш выгаднымi ўмовамi захоўвання.

Летась уклады насельнiцтва выраслi на 35,2 працэнта, а сёлета, паводле прагнозу галоўнай банкаўскай установы, iх прырост складзе не менш за 31—35 працэнтаў (3,3—3,7 трлн).