Перад сур’ёзным матчам — грунтоўны агляд

Источник материала:

Пропуск балельшчыкаў на матч Лiгi чэмпiёнаў па футболе, якi адбудзецца на стадыёне "Дынама" 30 верасня, будзе ажыццяўляцца ў адпаведнасцi з мiжнароднымi патрабаваннямi.

Начальнiк галоўнага ўпраўлення аховы правапарадку i прафiлактыкi Мiнiстэрства ўнутраных спраў Яўген ПОЛУДЗЕНЬ заклiкае балельшчыкаў не спазняцца i прыходзiць на стадыён загадзя, паколькi запуск пачнецца за 2,5 гадзiны i будзе суправаджацца сур’ёзным аглядам з металадэтэктарамi. Не рэкамендуецца браць з сабой вялiкiя рэчы, для якiх, праўда, на ўсякi выпадак прадугледжаны камеры захоўвання. Не дазволяць пранесцi на стадыён i бутэлькi з вадой. Пакiнуць пры сабе можна будзе толькi парасон.

Мяркуецца, што на матч Лiгi могуць прыехаць да 3 тысяч замежных балельшчыкаў. Колькi б гасцей нi прыехала на гульню, органы аховы правапарадку поўнасцю гатовыя забяспечыць належны парадак як на самiм стадыёне, так i на блiзкай да яго тэрыторыi.

З пятнiцы ў сталiчным "Дынама" новы трэнер. Гэта сербскi спецыялiст Славалюб Муслiн. Як паведамляе прэс-служба мiнскага "Дынама", 55-гадовы сербскi трэнер заключыў з беларускiм клубам пагадненне на два гады. Лепшы трэнер Беларусi Ігар Крыушэнка працаваў з камандай усяго дзевяць месяцаў.

25 верасня падапечныя Вiктара Ганчарэнкi перамаглi ў гасцях "Гомель" з лiкам 2:0. Блiжэйшы праследавацель, мiнскi МТЗ-РIПА, згуляў у гасцях са "Смаргонню" ўнiчыю 1:1. Сталiчнае "Дынама" ўзяло верх над гродзенскiм "Нёманам" — 1:0. Салiгорскi "Шахцёр" саступiў на сваiм полi магiлёўскаму "Савiту" — 3:4, прайграючы да 25-й хвiлiны 0:3. "Гранiт" (Мiкашэвiчы) — "Дынама" (Брэст) — 2:2, "Тарпеда" (Жодзiна) — "Дарыда" (Ждановiчы) — 2:0, "Днепр" (Магiлёў) — "Вiцебск" — 1:1, "Нафтан" (Наваполацк) — "Лакаматыў" (Мiнск) — 2:1.