Главная
Гороскопы
Гульні-2008. Смак нашых перамог!
Гульні-2008. Смак нашых перамог!
Менавiта так называецца выстава генеральнага спонсара Алiмпiйскiх гульняў у Пекiне ААТ МТС, што была ўрачыста адчынена 30 верасня ў Палацы Рэспублiкi. Урачыстую стужку перарэзалi адначасова ў 3 сталiцах: Маскве, Мiнску i Кiеве. Пазней выставу, якая прысвечана яркiм момантам Алiмпiяды, убачаць ва ўсiх буйных гарадах Беларусi, Расii, Украiны, Узбекiстана, Туркменiстана i Арменii. У Мiнску яна праходзiць у фае Вялiкай залы Палаца Рэспублiкi па 12 кастрычнiка. Экспазiцыя выставы — гэта каля 200 фотаздымкаў, зробленых вядучымi фатографамi агенцтва Rеutеrs, знакамiтымi майстрамi спартыўнага фота Аляксеем Галаванавым i Сяргеем Кiўрыным, беларускiм фатографам Юрыем Мазалеўскiм на Алiмпiядзе 2008 года ў Пекiне. На гэтых фота — не проста спартсмены, трэнеры i балельшчыкi Алiмпiяды. Гэта калейдаскоп эмоцый, гэта нястрымная радасць перамогi, гэта напружанне старту... Гэта дэталi, што не былi даступныя воку простага гледача. Перад адкрыццём фотавыставы цёплыя словы алiмпiйцам сказалi вiцэ-прэзiдэнт нацыянальнага алiмпiйскага камiтэта Беларусi Генадзь Аляксеенка, галоўны трэнер па мастацкай гiмнастыцы Ірына Ляпарская, генеральны дырэктар кампанii МТС Уладзiмiр Карповiч, а таксама спартсмены-алiмпiйцы былых гадоў. — Алiмпiяда — гэта ўвасабленне iмкнення людзей усёй Зямлi да яднання. I ў той жа час гэта — увасабленне сiлы духу i найвышэйшай канцэнтрацыi чалавечых магчымасцяў, дэманстрацыя таго, што гэтыя магчымасцi бясконцыя, — гаворыць Уладзiмiр Карповiч. Генеральны дырэктар МТС узнагародзiў беларускiх алiмпiйцаў, пачынаючы з удзельнiкаў Рымскай алiмпiяды 1960 года. Так каштоўныя падарункi атрымалi прызёры алiмпiяд у Токiа, Мехiка, Мюнхене, Манрэалi, Маскве, Сiднэi, Афiнах i, вядома ж, Пекiне. На фуршэце спяваў гурт J-Морс, усмiхаўся Анатоль Ярмоленка, гаманiла прэса, а маладзенькiя спартсменкi-гiмнасткi прыветна махалi рукой у аб’ектывы камер, стоячы каля сцяны са сваiмi здымкамi. Атмасфера стаяла радушная i нейкая па-хатняму ўтульная. Можа, таму, што многiя гучна падпявалi J-Морсу цi таму, што некаторыя спартсмены былi з дзецьмi... Якi ж ён, смак перамогi? Несумненна, гэта — пот, слёзы, боль, усё тое, праз што чалавек да яе iшоў. Гэта тысячы кiламетраў трэнiровак, траўмы i мазалi, пераадоленне сябе. I ў той жа час гэта — палёт, мара i вяршыня, што нарэшце ўзята. Гэта радасць блiзкiх, усмешкi сяброў, гонар за Радзiму. Смак перамогi спрабавала Iрына Раманiва.
Чтобы разместить новость на сайте или в блоге скопируйте код:
На вашем ресурсе это будет выглядеть так
Менавiта так называецца выстава генеральнага спонсара Алiмпiйскiх гульняў у Пекiне ААТ МТС, што была ўрачыста адчынена 30 верасня ў Палацы Рэспублiкi.
|
|