Пахудзелі, каб... лятаць на самалёце

Источник материала:

У красавiку гэтага года, калi Джэн Куп i яе муж Алан захацелi наведаць востраў Гернсi ў пралiве Ла-Манш, на дваiх яны важылi 241 кiлаграм, тлумачыць выданне. Яны занялi свае месцы ў задняй частцы самалёта, але сцюардэса папрасiла кагосьцi з iх перайсцi ў насавую частку, бо з-за нераўнамернага размеркавання вагi ўзлёт быў немагчымы. Перасесцi прыйшлося 127-кiлаграмоваму Алану.

"Мы не маглi паверыць, што былi занадта цяжкiя для ўзлёту", — расказвае газеце Джэн. Паводле яе слоў, яна ледзь не згарэла з сораму i баялася падняць вочы. Вярнуўшыся дадому, Купы вырашылi адмовiцца ад пiцы i кiтайскай ежы на вынас па вечарах i перайсцi на здаровую збалансаваную ежу. Джэн запiсалася ў басейн i ўгаварыла мужа таксама заняцца плаваннем. У вынiку яна пахудзела амаль на 42 кiлаграмы, а Алан — прыкладна на 38.

"Больш я не адчуваю сябе нiякавата, калi саджуся ў самалёт — мы так рады, што цяпер можам бесперашкодна лётаць па свеце", — прызналася Джэн.

Нямецкая арганiзацыя GЕZ, якая займаецца зборам сродкаў за карыстанне тэле- i радыёпрыёмнiкамi, выпiсала штрафныя квiтанцыi на iмя "гера Фрыдрыха Шылера", якiя i былi дастаўленыя ў пачатковую школу, названую iмем вялiкага паэта. Як сказалi ў агенцтве, аўтар славутай "Оды да радасці" быў зарэгiстраваны ў GЕZ як "домаўладальнiк".

Калi б Ф. Шылеру якiм-небудзь неверагодным чынам атрымалася дажыць да нашых дзён, то, улiчваючы штогадовы рахунак у 200 еўра, за перыяд з 1805 года ён завiнавацiўся б GЕZ больш як 40 тыс. еўра. Адмiнiстрацыя пачатковай школы Фрыдрыха Шылера, атрымаўшы дзiўныя квiтанцыi, адразу ж паведамiла GЕZ аб непаразуменнi, iранiчна адзначыўшы, што "адрасат ужо знаходзiцца не ў тым стане, каб глядзець тэлевiзар або слухаць радыё". У хуткiм часе дырэктар школы атрымаў афiцыйныя прабачэннi ад агенцтва.

"Нам прыходзiцца мець справу з такой велiзарнай колькасцю даных, што нешта падобнае не-не ды i можа адбыцца. Да таго ж i iмя Фрыдрых Шылер не такое ўжо рэдкае, каб называць гэты выпадак дзiўным", — сказаў прадстаўнiк кампанii GЕZ.

Ф. Шылер — адзiн з самых вядомых нямецкiх паэтаў i драматургаў, якi ўнёс значны ўклад у сусветную лiтаратуру. Яго п’есы "Разбойнiкi" i "Вiльгельм Тэль" з’яўляюцца класiчнай спадчынай нямецкай лiтаратуры, а верш "Ода да радасцi" быў перакладзены на музыку Бетховенам у ягонай "Санаце № 9".

Напады мядзведзяў працягваюцца больш за месяц. Яны забiваюць курэй i хатнюю жывёлу, ламаюць гаспадарчыя пабудовы ў дварах i часам нават нападаюць на людзей. Касалапых нельга прагнаць нi крыкамi, нi стрэламi. Тэрыторыя сяла патрулюецца ўзброенымi iнспектарамi запаведнiка днём i ўначы. Хоць адстрэл жывёл на тэрыторыi запаведнiка забаронены, пры ўзнiкненнi пагрозы жыцця людзей яго супрацоўнiкi страляюць. Адмыслоўцы запаведнiка звярнулiся ў Распрыроданагляд з просьбай дазволiць адстрэл найбольш агрэсiўных жывёл.

Падобныя паводзiны мядзведзяў тлумачацца голадам — у тайзе неўраджай кедравых арэхаў i ягад. У пачатку восенi жывёлы павiнны назапасiць тлушч перад зiмовай спячкай. Раней у Алтайскiм запаведнiку, якi iснуе ўжо 76 гадоў, падобнай сiтуацыi не назiралася.

Першае рабаванне адбылося ў тры гадзiны пасля поўдня, калi рабаўнiк, якому палiцэйскiя далi мянушку Балбатлiвы, пад пагрозай пiсталета запатрабаваў у касiра наяўныя. Атрымаўшы каля 20 тысяч долараў, налётчык хутка знiк. Праз тры гадзiны ў той жа банк вырашыў наведацца яшчэ адзiн аматар лёгкай нажывы. Рабаўнiк, вядомы ў палiцыi як Бандыт у Цвёрдым Капелюшы, прад’явiў супрацоўнiку запiску, дзе таксама патрабаваў аддаць яму грошы з касы.

Паводле даных вартавых парадку, абодва бандыты арудуюць у горадзе даўно. На рахунку Балбатлiвага ўжо дзевяць рабаванняў з пачатку сакавiка, у той час як уладальнiк "цвёрдага капелюша" толькi на мiнулым тыднi здзейснiў цэлых тры ўдалыя налёты. Да апошняга часу абодва злачынцы на тэрыторыi сваiх дзеянняў не перасякалiся. Характэрна, што нi аднаго нi другога палiцыi злавiць дагэтуль не атрымлiвалася.