Калі мама — маладая...

Источник материала:

У адпаведнасцi з заканадаўствам малазабяспечаныя працаздольныя грамадзяне, якiя знаходзяцца на ўлiку маючых патрэбу ў паляпшэннi жыллёвых умоў, маюць права на атрыманне ў парадку чарговасцi аднаразовай бязвыплатнай субсiдыi альбо льготнага крэдыту на будаўнiцтва (рэканструкцыю) або набыццё жылых памяшканняў.

Грамадзяне, у складзе сем’яў якiх маюцца дзецi-iнвалiды, могуць быць уключаны па-за чаргой у спiсы на атрыманне льготных крэдытаў.

Права на сумеснае выкарыстанне льготнага крэдыту i аднаразовай бязвыплатнай субсiдыi маюць, у прыватнасцi, маладыя сем’i (па захворваннi такая льгота прадастаўлена толькi хворым на актыўную форму туберкулёзу).

Пад маладымi сем’ямi маюцца на ўвазе сем’i, у якiх хоць бы адзiн з сужэнцаў (муж цi жонка) на момант прыняцця на ўлiк маючых патрэбу ў паляпшэннi жыллёвых умоў знаходзiцца ва ўзросце да 31 года. Да членаў сям’i маладога грамадзянiна (маладой сям’i) адносяцца яго муж (жонка) (незалежна ад узросту) i iх дзецi (родныя, узятыя за сына , за дачку).

Што датычыцца фiнансавай дапамогi дзяржавы ў пагашэннi запазычанасцi па льготных крэдытах пры нараджэннi дзяцей, то такая дапамога аказваецца маладым сем’ям у наступных памерах:

пры нараджэннi першага дзiцяцi — 10 працэнтаў ад рэшты запазычанасцi па выдадзеных iльготных крэдытах;

пры нараджэннi другога дзiцяцi — 20 працэнтаў ад рэшты запазычанасцi.

Пры нараджэннi трэцяга дзiцяцi i наступных дзяцей фiнансавая дапамога ў пагашэннi запазычанасцi па льготных крэдытах аказваецца ў парадку, устаноўленым заканадаўствам для шматдзетных сем’яў.