Утрыманне пчол — па ўзгадненні з суседзямi

Источник материала:

У адпаведнасцi з Указам Прэзiдэнта Рэспублiкi Беларусь ад 28.01.2008 г. № 50 "Аб мерах па ўпарадкаваннi дзейнасцi садаводчых таварыстваў" былi распрацаваны i зацверджаны пастановай Савета Мiнiстраў Рэспублiкi Беларусь ад 21.07.2008 г. № 1048 Тыпавыя правiлы ўнутранага распарадку садаводчых таварыстваў. Кожнае таварыства павiнна зацвердзiць свае Правiлы ўнутранага распарадку, распрацаваныя ў адпаведнасцi з Тыпавымi, i размясцiць iх на тэрыторыi таварыства ў месцах, даступных для азнаямлення. Правiлы ўнутранага распарадку таварыства абавязковыя для ўсiх членаў таварыства i асобаў, якiя карыстаюцца зямельнымi ўчасткамi, што знаходзяцца ў межах таварыства.

Згодна з Тыпавымi правiламi (пункт 16) члены таварыства маюць права ўтрымлiваць на прадастаўленых iм зямельных участках дэкаратыўных, сельскагаспадарчых i iншых жывёл у колькасцях, якiя забяспечваюць захаванне санiтарна-гiгiенiчных нормаў i правiлаў без шкоды для нармальнага адпачынку iншых членаў таварыства, iх сем’яў i iншых асобаў.

Забараняецца ўтрымлiваць буйных сельскагаспадарчых жывёл (буйны рагаты скот, конi, свiннi i да т.п.). Утрыманне дробных сельскагаспадарчых жывёл i птушкi ў мэтах iх далейшага развядзення i атрымання прадукцыi член таварыства павiнен узгаднiць з iншымi членамi таварыства — уладальнiкамi, уласнiкамi i арандатарамi сумежных зямельных участкаў. Пры гэтым узгадненне павiнна быць выражана ў пiсьмовай форме. Утрыманне пчол член таварыства таксама павiнен пiсьмова ўзгадняць са сваiмi суседзямi.

Пасадка зялёных насаджэнняў ад межаў з сумежнымi зямельнымi ўчасткамi ажыццяўляецца на адлегласцi:

высокарослых дрэў семечкавых парод (яблынi, грушы) — не менш за тры метры;

сярэднярослых дрэў костачкавых парод (слiвы, вiшнi), а таксама дэкаратыўных i карлiкавых парод — не менш за два метры;

кустарнiкаў — не менш за адзiн метр.

Такiя ж правiлы ў дачыненнi да насаджэнняў iснавалi i раней. Прадугледжаны яны былi Тыпавым статутам садаводчага таварыства, зацверджаным пастановай Савета Мiнiстраў БССР i Белсаўпрафа ад 30.01.1989 г. № 55.