У Беларусi дастаткова жорсткае прыродаахоўнае заканадаўства,

Источник материала:

"У нас дастаткова жорсткае прыродаахоўнае заканадаўства. І выпадкi прыцягнення да крымiнальнай адказнасцi за яго парушэннi не адзiнкавыя, iх дзясяткi", — паведамiў Аляксандр Апацкi  падчас анлайн-канферэнцыi на сайце БЕЛТА.

Каментуючы парушэннi правiлаў раскладання агню ў лясах i iншых месцах адпачынку, ён адзначыў, што калi парушэнне сапраўды прычынiла шкоду навакольнаму асяроддзю, можа быць аформлена iскавая заява. "Калi гэты парушальнiк выяўлены на працягу года двойчы, то можна распачынаць крымiнальную справу", — сказаў першы намеснiк мiнiстра.

Вогнiшчы могуць раскладацца толькi ў спецыяльна адведзеных месцах. Акрамя таго, раскладаць агонь на прыродзе можна не ў любы час сутак, не ў любы перыяд, паколькi ёсць пажаранебяспечныя сезоны, лясы павышанай катэгорыi небяспечнасцi i г.д. Гэтыя пытаннi рэгулююць мясцовыя органы ўлады: яны вырашаюць, дзе можна раскласцi агонь.

Тое ж датычыцца i месцаў паркоўкi аўтамабiляў. "Зразумела, пры такiм росце колькасцi аўтатранспарту ўсiх забяспечыць дадатковай стаянкай у лесе, на берагах вадаёмаў немагчыма. Асаблiва вялiкая нагрузка на вадаёмы каля буйных населеных пунктаў, гарадоў, — сказаў Аляксандр Апацкi. — Усе гэтыя пытаннi рэгламентуюцца, i з кожным годам у нас усё лепшы сэрвiс на такiх стаянках i ўсё больш магчымасцi паркаваць аўтамабiлi".