Дзень, якога чакае Шэф

Источник материала:

Адмыслова да свята эксперты рэкрутынгавых кампанiй склалi своеасаблiвы рэйтынг, у якiх краiнах свету падначаленыя больш за ўсё задаволеныя сваiмi босамi. У апытаннi бралi ўдзел менеджары сярэдняга звяна з 28 краiн свету, ацэньваючы якасцi кiраўнiцтва па шкале ад 1 да 10. варта адзначыць, што найбольшыя i найменшыя балы не былi выстаўлены ў нiводнай краiне. Аказваецца, найбольшай сiмпатыяй карыстаюцца шэфы ў Мексiцы (ацэнка 7,6), ЗША (7,3) i Канадзе (7,2). У Еўропе вельмi станоўча ставяцца да сваiх начальнiкаў iрландцы, бельгiйцы i галандцы (6,7—7 балаў). Апошнiя ж месцы ў мiжнародным "рэйтынгу лаяльнасцi" занялi шэфы з Германii, Iталii, Турцыi i Швецыi.

У Расii стаўленне да кiраўнiцтва вызначалася iншымi шляхамi — на адным з iнтэрнэт-форумаў наведвальнiкам прапаноўвалася параўнаць свайго начальнiка з вядомым экранным вобразам. Высветлiлася, што некалькi тысяч апытаных пры словах "шэф, бос, начальнiк" узгадваюць:

1) "нашу мымру" з к/ф "Службовы раман",

2) начальнiка-прараба з камедыйнага сiткома "Наша Russia",

3) няўлоўнага "шэфа Мiхал Iваныча" з к/ф "Брыльянтавая рука",

4) адначасова вайскоўца i аналiтыка, "шэфа гестапа Мюлера" з к/ф "Сямнаццаць iмгненняў вясны",

4) дзелавiтага Шэфа з мультфiльма "Следства вядуць Калабкi".

Магчыма, у гэты спiс трапляе i ваш начальнiк, а магчыма, ягоны стыль кiраўнiцтва непаўторны i нi да чаго не падобны. У любым выпадку, не забудзьцеся яго павiншаваць — толькi абавязкова шчыра, ад душы!