Эканамічная i палiтычная стабiльнасць у Беларусi прыцягваюць замежныя iнвестыцыi

Источник материала:

Менавiта так пракаментаваў журналiстам факт iстотнага павелiчэння прамых замежных iнвестыцый у эканомiку Беларусi першы намеснiк мiнiстра эканомiкi Пётр Жабко.

Паводле iнфармацыi Мiнэканомiкi, за 9 месяцаў года ў эканомiку краiны было накiравана больш за 24 трлн рублёў унутраных i замежных iнвестыцый, што на 23,2 працэнта больш за леташнi перыяд. Асноўная маса iнвестыцый у памеры 63,8 працэнта прыпадае на вытворчы накiрунак.

Спецыялiсты Мiнэканомiкi разлiчваюць, што сёлета ўсiмi арганiзацыямi краiны будзе асвоена каля 35 трлн рублёў iнвестыцый у асноўны капiтал, або 16,5 млрд долараў у эквiваленце. На працягу года рэалiзуецца каля 800 буйных iнвестыцыйных праектаў. Намеснiк мiнiстра эканомiкi адзначыў iстотнае паляпшэнне iнвестыцыйнага клiмату ў Беларусi. Аб гэтым сведчыць той факт, што сёлета чакаецца прыцягванне замежных iнвестыцый у памеры каля 7 млрд долараў, або на 1,6 млрд долараў больш, чым летась.

Пётр Жабко адзначыў, што нягледзячы на сусветны фiнансавы крызiс, рух iнвестыцыйных патокаў у нашу краiну будзе i надалей павялiчвацца. У наступным годзе эканамiсты краiны прагназуюць павелiчэнне аб’ёмаў iнвестыцый у асноўны капiтал на 23—25 працэнтаў. Усяго ў 2009 годзе запланавана прыцягнуць каля 50 трлн рублёў iнвестыцый, у разрэзе якiх доля замежных iнвестыцый у асноўны капiтал павiнна павялiчыцца з сённяшнiх 3,5 да 5 працэнтаў.

На думку намеснiка мiнiстра, цяпер эканомiкай Беларусi цiкавiцца ўсё большая колькасць сур’ёзных замежных iнвестараў, бо ў нашай краiне захоўваецца эканамiчная i палiтычная стабiльнасць. Спецыялiст Мiнэканомiкi згадзiўся з тым, што фiнансавы крызiс паўплывае на развiццё эканомiкi нашай краiны, што прадаваць айчынную прадукцыю стане складаней, бо паменшыцца агульнасусветны попыт. Суб’ектам гаспадарання неабходна шукаць дадатковыя рынкi збыту i распрацаваць новыя мадэлi эканамiчнага супрацоўнiцтва. У гэтым аспекце актуальным будзе правядзенне Беларускага iнвестыцыйнага форуму, якi адбудзецца ў Лондане 18 лiстапада, на якім сусветным фiнансiстам будзе прапанавана больш за 70 iнвестыцыйных праектаў. Будуць прапаноўвацца праекты па будаўнiцтве абагачальнага камбiната, завода па вытворчасцi аўтобусаў, па стварэннi новых i рэканструкцыi iснуючых электрастанцый i iнш. Аб’ём фiнансавання па кожнаму з падобных iнвестыцыйных праектаў дасягае 1—1,5 млрд долараў.