Садаводства і зямельны падатак

Источник материала:

Перш за ўсё неабходна адзначыць, што Закон Рэспублiкi Беларусь ад 14.06.2007 г. "Аб дзяржаўных сацыяльных iльготах, правах i гарантыях для асобных катэгорый грамадзян", згодна з артыкулам 5, не распаўсюджвае сваё дзеянне на льготы, прадугледжаныя, у прыватнасцi, падатковым i зямельным заканадаўствам.

Кодэксам Рэспублiкi Беларусь аб зямлi (артыкулы 60,61) устаноўлена, што карыстанне зямельнымi ўчасткамi ў Рэспублiцы Беларусь платнае. Формамi платы за зямельныя ўчасткi з’яўляюцца зямельны падатак або арэндная плата. Грамадзяне Рэспублiкi Беларусь за зямельныя ўчасткi, што знаходзяцца ў iх у прыватнай уласнасцi, пажыццёвым спадчынным валоданнi або карыстаннi плацяць зямельны падатак. За зямельныя ўчасткi, перададзеныя ў арэнду, плацiцца арэндная плата.

Парадак падаткаабкладання, стаўкi зямельнага падатку i гранiчны памер арэнднай платы за зямельны ўчастак устанаўлiваецца заканадаўствам Рэспублiкi Беларусь, у прыватнасцi, Законам Рэспублiкi Беларусь "Аб плацяжах за зямлю".

Артыкулам 4 гэтага Закона ўстаноўлена, што аб’ектам падаткаабкладання з’яўляецца зямельны ўчастак, якi знаходзiцца ў валоданнi, карыстаннi або ўласнасцi, акрамя выпадкаў, прадугледжаных артыкуламi 17—19 Закона. Землi садаводчых таварыстваў i дачнага будаўнiцтва таксама адносяцца да зямель, якiя абкладаюцца зямельным падаткам.

Выплата фiзiчнымi асобамi зямельнага падатку за зямельныя ўчасткi, прадастаўленыя для вядзення калектыўнага садаводства, робiцца шляхам унясення сум падатку садаводчым i садова-агароднiцкiм таварыствам (кааператывам), якiя ажыццяўляюць прыём падатку i яго пералiчэнне на рахунак адпаведнага бюджэту.

Артыкуламi 18, 19 Закона прадугледжаны льготы па зямельным падатку. Так, артыкулам 18 устаноўлена, што зямельным падаткам не абкладаюцца землi агульнага карыстання садаводчых, садова-агароднiцкiх таварыстваў (кааператываў). Гэтыя таварыствы таксама вызваляюцца ад выплаты зямельнага падатку ў частцы плошчы зямель, што прыходзяцца на грамадзян, якiя маюць права на льготы ў адпаведнасцi з артыкулам 19 Закона.

Згодна з абзацам трэцiм часткi першай артыкула 19, да лiку грамадзян, якiя вызваляюцца ад платы за зямлю, адносяцца таксама пенсiянеры па ўзросце, iнвалiды I i II групы i iншыя непрацаздольныя грамадзяне пры адсутнасцi працаздольных асобаў, якiя сумесна з iмi пражываюць або лiчацца такiмi згодна з данымi пагаспадарчага ўлiку або дамавых кнiг. Пры гэтым за зямельныя ўчасткi, размешчаныя не па месцы пастаяннага пражывання фiзiчных асобаў i прадастаўленыя iм для дачнага будаўнiцтва, садаводства i агароднiцтва, указаныя катэгорыi грамадзян вызваляюцца ад выплаты зямельнага падатку незалежна ад наяўнасцi працаздольных асобаў, якiя сумесна з iмi пражываюць або лiчацца такiмi згодна з данымi пагаспадарчага ўлiку або дамавых кнiг i (або) звестак упаўнаважанага органа.

Кантроль за захаваннем парадку вылiчэння i выплаты зямельнага падатку ажыццяўляюць падатковыя органы, куды вам i патрэбна будзе звярнуцца па афiцыйнае тлумачэнне ўзнiклай сiтуацыi пры недасягненнi ўзаемаразумення з кiраўнiцтвам таварыства.