Эканамічны эфект ад вакцынацыi — не менш як 70 долараў на чалавека

Источник материала:

Як сведчаць вынiкi шматгадовых навуковых даследаванняў i практычны вопыт iмунiзацыi работнiкаў ААТ "Атлант" i Мiнскага механiчнага завода iмя Вавiлава, для дасягнення ярка выражанага эфекту ад вакцынацыi (г.зн. знiжэння агульнай непрацаздольнасцi з-за захворвання на грып i iншыя вострыя рэспiраторныя iнфекцыi на 70—90 працэнтаў) неабходна ахапiць прышчэпкамi не менш як 75 працэнтаў працуючых у калектыве.

Аднак укладанне сродкаў у масавую вакцынацыю цалкам акупляецца. Справа ў тым, што захварэлыя на грып вымушаны прапускаць па прычыне хваробы сама меней пяць працоўных дзён, а пры ўзнiкненнi ўскладненняў — да месяца. Для прадпрыемстваў такiя пропускi немiнуча цягнуць выплаты па лiстках непрацаздольнасцi, неабходнасць аплаты працы па замене захварэлага работнiка, знiжэнне прадукцыйнасцi працы прадпрыемства, завышаныя нагрузкi на здаровы персанал i г.д. Падлiчана, што ў беларускiх рэалiях эканамiчны эфект ад вакцынацыi кожнага работнiка складае не менш як 140 тысяч зэканомленых рублёў.

Дарэчы, сёлета ў Мiнску ўпершыню бясплатныя прышчэпкi ад грыпу будуць зроблены работнiкам камунальных службаў (ЖЭСаў, прадпрыемстваў энерга- i водазабеспячэння), а таксама вадзiцелям грамадскага аўтатранспарту. Гэтыя прадпрыемствы забяспечваюць жыццядзейнасць горада, таму вельмi важна, каб падчас сезоннага ўздыму захваральнасцi на грып iх работнiкi заставалiся здаровымi i маглi працаваць на карысць гараджан. Усяго за кошт гарадскога бюджэту плануецца прышчапiць каля 20 тысяч работнiкаў гэтых службаў. Таксама бясплатнымi прышчэпкамi будуць ахопленыя выхаванцы дзiцячых садкоў i вучнi пачатковай школы. Гэта яшчэ плюс 43 тысячы чалавек, не лiчачы асобаў з так званай групы рызыкi развiцця постгрыпозных ускладненняў, якiя традыцыйна атрымлiваюць бясплатныя прышчэпкi.