Па рака пойдзеш — на мялі застанешся

Источник материала:

У мужчыны канфiскавана 19 вузкалапых ракаў, 63 акунi, 1 карась i адзiн пячкур. Лоўля ажыццяўлялася забароненай прыладай — астрогай, мужчына быў апрануты ў воданепранiкальны камбiнезон, меў пры сабе два лiхтары i акумулятары да iх — такая старанная падрыхтоўка сведчыла пра сур’ёзнасць намераў затрыманага, адзначыў Сяргей Чэрап. Акрамя таго, арышт накладзены на аўтамабiль, на якiм мужчына прыехаў на рыбалку. На момант узбуджэння крымiнальнай справы затрыманы пакрыў матэрыяльны ўрон у памеры 1 мiльён 499 тысяч рублёў.

Матэрыялы крымiнальнай справы накiраваныя ў суд Мiнскага раёна. Мужчына панясе адказнасць за прычыненне прыродным рэсурсам урону ў асаблiва буйным памеры. Нагадаем, што з 15 кастрычнiка па 15 красавiка дзейнiчае сезонная забарона на лоўлю вузкалапага рака. Сяргей Чэрап зазначыў, што падчас забароны лоўлi сума штрафу за незаконную здабычу павялiчваецца ў 3 разы — з 0,5 да 1,5 базавай велiчынi.

У доме па вул. Лiнейнай, што ў Лунiнцы, знайшлi мёртвым 52-гадовага гаспадара. Усё цела забiтага было пакрамсанае дзясяткамi колата-рэзаных ранаў.

Мiлiцыя шукае iнвалiда I групы з псiхiчнымi адхiленнямi — ён падазраецца ў забойстве.

Вадзiцель МАЗа, што рухаўся на зялёны сiгнал светлафора па вулiцы Я. Коласа, сутыкнуўся з ГАЗам, якi пры здзяйсненнi левага павароту з вулiцы Я. Коласа на вулiцу Някрасава не саступiў дарогу. У вынiку дарожна-транспартнага здарэння ГАЗ перавярнуўся, ад чаго адбылася ўцечка бензiну. Пешаходы, якiя ў гэты час пераходзiлi праезную частку, не пацярпелi. Вадзiцель МАЗа атрымаў пашкоджанне ў выглядзе закрытага пералому галоўкi правай малой галёнкавай косткi. Здарэнне гэта адбылося ў чацвер, зараз па матэрыяле праводзiцца праверка.