Юнакі падазраюцца ў забойствах

Источник материала:

Юнакі падазраюцца ў забойствах

Двое юнакоў падазраюцца ва ўчыненнi цяжкiх злачынстваў у Рэчыцы. У мiнулую сераду ў горадзе ў сваiм доме нежывым быў знойдзены 31-гадовы рабочы аднаго з прадпрыемстваў. Невядомыя расправiлiся з гаспадаром пры дапамозе нажа. А ў мiнулую нядзелю днём двое п’яных "малайцоў" без усялякiх прычын расправiлiся з 36-гадовай жанчынай: арудавалi крымiнальнiкi таксама нажом i рыльцам ад разбiтай бутэлькi. Пасля таго, як гэтыя злачынцы былi затрыманыя, высветлiлася, што яны маюць дачыненне i да забойства рабочага. Мiж iншым, адзiн з затрыманых — 18-гадовы жыхар вёскi, якi нiдзе не працуе, а другi — 17-гадовы навучэнец лiцэя.

Дзмiтрый СТАНКОВІЧ.

 

НУ I СУСЕД!

Калi 87-гадовы пенсiянер, жыхар г. Баранавiчы, вярнуўся дамоў, то ўбачыў суседа, якi цягнуў тэлевiзар з яго кватэры. Суседу ўцякаць не было куды i яго ўзяла мiлiцыя.

Сымон Свiстуновiч.

Гадавала сына...

70-гадовая пенсiянерка з Лунiнца трапiла ў бальнiцу з цяжкiмi траўмамi. Iх прычынiў мацi п’яны, нiдзе не працуючы сын.Яна СВЕТАВА.

 

Ну і ну!Пенсiянер-вымагальнiк 61-гадовы жыхар беларускай сталiцы патрабаваў вялiкiх грошай у 60-гадовага iндывiдуальнага прадпрымальнiка з вёскi.Раней неаднаразова судзiмы стары з чэрвеня "надакучваў" вясковаму бiзнэсмену, патрабуючы ад апошняга 5 тысяч долараў ЗША. А каб той быў больш згаворлiвы, ваяўнiчы пенсiянер пагражаў сваёй ахвяры насiллем, а таксама абяцаў знiшчыць яго маёмасць. Асцюдзiлi пыл вымагальнiка праваахоўнiкi, якiмi падазроны затрыманы, i ў дачыненнi да яго ўзбуджана крымiнальная справа.   Ігар ГРЫШЫН. Халяўныя грошы апынулiся ў руках людзей, якiя i не думалi, што iм яны, як кажуць, адваляцца. А ўсё з-за чаго? З-за кароткай памяцi ўладальнiкаў. Так, напрыклад, двое гамяльчан i адзiн жыхар вёскi Сырад Калiнкавiцкага раёна ў банкаматах забылiся забраць свае банкаўскiя карткi, i ў вынiку з карт-рахункаў адпаведна было знята 300, 500 i 75 тысяч рублёў. У двух выпадках новых уладальнiкаў грошай знайсцi не ўдалося, а ў трэцiм было ўстаноўлена, што грошы дасталiся 53-гадоваму жыхару Калiнкавiчаў, якi вымушаны быў вярнуць iх гаспадару.   Уладзiмiр ПЕРНIКАЎ   "Мерседэс" вырулiў на прыпынак У нядзелю ў Гомелi вадзiцель, якi выехаў за межы праезнай часткi i збiў людзей на прыпынку грамадскага транспарту, знiк з месца здарэння.Дарожна-транспартнае здарэнне адбылося без чвэрцi тры дня: аўтамабiль "Мерседэс" з дарогi раптоўна паехаў на людзей, што стаялi на прыпынку i чакалi грамадскага транспарту. Для 46-гадовай мясцовай жыхаркi ўсё скончылася трагiчна — яна загiнула. Яшчэ дзве пацярпелыя — 34-гадовая жанчына i яе шасцiгадовая дачка — з траўмамi змешчаны ў бальнiцу. Што датычыцца вiноўнiка ДТЗ, то ён праваахоўнiкамi затрыманы. Як высветлiлася, за рулём "Мерседэса" знаходзiўся 26-гадовы рабочы таварыства з дадатковай адказнасцю, якi раней быў судзiмы за хулiганства.   Iгар ГРЫШЫН..

 

Злоўжыванне цаной у 217 млн?..

Пракуратурай Гарадоцкага раёна ўзбуджана крымiнальная справа ў дачыненнi да адказнай асобы ААТ "Гарадоцкi льнозавод".

 

Падазраецца гэты мясцовы жыхар пры пасадзе ў злоўжываннi службовым становiшчам. У вынiку яго дзеянняў са снежня 2006 па сакавiк гэтага года таварыству быў нанесены ўрон ў памеры 217 мiльёнаў рублёў.

Дзмiтрый СТАНКОВІЧ.

 

$10 тысяч — за падпiсаную дамову?..

Генеральнай пракуратурай па матэрыялах падраздзяленняў па барацьбе з карупцыяй i эканамiчнымi злачынствамi МУС i УУС Мiнаблвыканкама ўзбуджана крымiнальная справа ў дачыненнi да адказнай асобы ААТ "Жлобiнскi рамонтна-механiчны завод".

 

Паводле папярэдняй iнфармацыi, падазраецца 63-гадовы жыхар Жлобiнскага раёна ў тым, што 18 кастрычнiка ў Жлобiне атрымаў ад прадстаўнiка адной з маскоўскiх фiрмаў хабар у памеры 10 тысяч долараў ЗША. Як мяркуецца, за гэтыя грошы адказная асоба бралася станоўча вырашыць пытанне аб заключэннi дамовы на пастаўку арматурнай загатоўкi.

Iгар ГРЫШЫН.