Адбуксіроўка па новых цэнах

Источник материала:

У прыватнасцi, за эвакуацыю пашкоджанага транспартнага сродку (па заяве ўладальнiка) на адлегласць да 10 кiламетраў уключна трэба заплацiць 10 тысяч рублёў, да 20 кiламетраў — 20 тысяч рублёў, звыш 20 кiламетраў — 30 тысяч рублёў. Прымусовая адбуксiроўка транспартнага сродку на стаянку, якая ахоўваецца (у выпадку, якi прадугледжаны нарматыўнымi прававымi актамi) абыдзецца ў 12 тысяч рублёў (з поўнай пагрузкай на эвакуатар), цi ў 11 тысяч рублёў (з частковай пагрузкай на эвакуатар).

Адна гадзiна карыстання аўтадромам ДАІ МУС Беларусi для навучэння ваджэнню (на аўтамабiлi ўладальнiка) каштуе 5500 рублёў, а адна копiя ўлiкова-рэгiстрацыйнага дакумента на транспартны сродак — 2300 рублёў.

Экспертыза, якая ўключае ў сябе зверку нумарнога агрэгата транспартнага сродку з улiковымi данымi i агляд транспартнага сродку па месцы захоўвання ў адпаведнасцi са складаннем акта агляду транспартнага сродку для зняцця з улiку, каштуе 9 тысяч рублёў. За ўдзел работнiкаў ДАI МУС Беларусi ў прыёмачных выпрабаваннях транспартных сродкаў трэба будзе заплацiць 24 тысячы рублёў.

Гадзiна лекцый i заняткаў па Правiлах дарожнага руху (па заявах юрыдычных i фiзiчных асобаў) прыроўнiваецца да 8500 рублёў. Камп’ютарны паслугi па рэгiстрацыi, зняццю з улiку транспартнага сродку ў 1200 рублёў. За суправаджэнне транспартных сродкаў, якiя перавозяць буйнагабарытныя, цяжкiя i небяспечныя грузы трэба будзе заплацiць 1500 рублёў (за кiламетр).

Экспертыза праграм i навукова-тэхнiчных праектаў арганiзацый каштуе 24 тысячы рублёў. Грашовы эквiвалент захоўвання аўтатранспарту на штрафной стаянцы складае 2500 рублёў за суткi. Калi вы маеце жаданне самастойна падабраць камбiнацыю лiчбаў i лiтар свайго рэгiстрацыйнага знака, то заплацiце за камплект 2 мiльёны рублёў.

За ўзгадненне друкаванай прадукцыi, якая падрыхтавана да выдання, па пытаннях забеспячэння бяспекi дарожнага руху трэба аддаць 8 тысяч рублёў (1 ум. друк. арк.). А выезд супрацоўнiка ДАI для прыёму квалiфiкацыйнага экзамену на атрыманне права кiравання механiчнымi транспартнымi сродкамi па месцы размяшчэння навучальнай арганiзацыi каштуе 8500 рублёў (гадзiна).