Ападкі захаваюцца да выхадных

Источник материала:

У блiжэйшыя суткi характар надвор’я амаль не зменiцца, бо амаль паўсюдна будзе iсцi снег, удзень па паўднёвым усходзе дождж, слабы галалёд, на асобных участках дарог галалёдзiца, паведамiў рэдакцыi начальнiк службы гiдраметэапрагнозаў Рэспублiканскага гiдраметцэнтра Дзмiтрый Рабаў.

Ужо з серады надвор’е пачне паляпшацца. Толькi месцамi пройдзе невялiкi кароткачасовы снег, на дарогах галалёдзiца. Тэмпература паветра ўначы мiнус 2—8 градусаў, удзень ад 0 да 5 марозу. У чацвер захаваюцца невялiкiя ападкi, тэмпература ўначы мiнус 1—6, удзень — ад мiнус 2 да плюс 4 градусаў. У пятнiцу ападкi будуць назiрацца па паўночнай палове краiны галоўным чынам у выглядзе мокрага снегу i дажджу. Месцамi туман, слабы галалёд, на дарогах галалёдзiца. Тэмпература паветра на працягу сутак ад мiнус 2 да плюс 4 градусаў. На выхадныя да нас завiтае больш цёплае паветра з боку Заходняй Еўропы. Ападкаў амаль не будзе, толькi па паўднёвым захадзе чакаецца кароткачасовы мокры снег. На дарогах галалёдзiца. Тэмпература паветра на працягу сутак каля 0. Снежнае покрыва памерам больш як 13 сантыметраў у апошняй дэкадзе лiстапада бывае ў нашай краiне раз у 15 гадоў.

У Нацбанку нагадалi, што наша краiна звярнулася па атрыманне гэтага крэдыту з мэтай павелiчэння дзяржаўных золатавалютных рэзерваў i стварэння "падушкi бяспекi", якая неабходна для стабiльнай працы эканомiкi ва ўмовах сусветнага фiнансавага крызiсу. Ужо ў снежнi, калi мiсiя МВФ зноў будзе знаходзiцца з вiзiтам у Беларусi, абмеркаванне пытанняў, што маюць тэхнiчны характар, працягнецца.

Першы снег, што выпаў у мiнулую суботу, выклiкаў у групы падлеткаў вёскi Лiпаў Калiнкавiцкага раёна жаданне пагуляць у снежкi. Спачатку яны "абстрэльвалi" iмi самiх сябе, разбiўшыся на "атрады", а потым выбралi ў якасцi мiшэнi вокны мясцовага пенсiянера, 1933 года нараджэння. Той, як кажуць, гульню прыняў. Толькi настолькi неадэкватна, што выйшаў на двор i распачаў стралянiну, дарэчы, з незарэгiстраванага паляўнiчага ружжа "ТОЗ-БМ" 16 калiбру. Першыя пяць стрэлаў — у неба. А шосты — у перапалоханых хлапцоў, якiя пусцiлiся наўцёкi. Зарад трапiў у галаву дзевяцiкласнiка, якi падчас дастаўкi яго ў бальнiцу памёр. Цяпер высвятляюцца ўсе абставiны гэтай трагедыi.

Для вяртання непаўналетняй беларускi Таццяны Казыры на радзiму са Злучаных Штатаў знешнепалiтычнае ведамства Беларусi i амерыканскi бок прынялi ўсе неабходныя меры. 23 лiстапада дзяўчынка паспяхова вярнулася з ЗША у Беларусь. Аб гэтым карэспандэнту БЕЛТА паведамiла намеснiк начальнiка ўпраўлення iнфармацыi Мiнiстэрства замежных спраў Беларусi Марыя Ваньшына. Паводле яе слоў, МЗС Беларусi ў кантакце з кампетэнтнымi органамi ЗША прыняў неабходныя меры па вяртаннi Таццяны на радзiму ў адпаведнасцi з заявай Надзеi Новiк, якая з’яўляецца яе бабуляй i апекуном.

Днём у суботу ў Смалявiцкiм раёне на дарозе паблiзу пасёлка Зялёны Бор 25-гадовы жыхар вёскi Александрыя Шклоўскага раёна на аўтамабiлi "Опель" выехаў на сустрэчную паласу, дзе сутыкнуўся з грузавым "Вольва". У вынiку гэтага ДТЗ вадзiцель легкавушкi, а таксама яго 21-гадовая жонка, 44-гадовы цесць i 41-гадовая цешча загiнулi. Гэтакi ж манеўр каштаваў жыцця бацькам 43-гадовага мiнчанiна, якi знаходзiўся за рулём "Жыгулёў": яго машына на сустрэчнай паласе не размiнулася з аўтафурай. 62-гадовая мацi вадзiцеля "жыгулёў" загiнула на месцы, а бацька быў дастаўлены ў бальнiцу, дзе, на жаль, урачы не змаглi выратаваць пенсiянера.

Не менш трагiчныя наступствы аварыi, што здарылася ў суботу каля паловы дзясятай ранiцы паблiзу вёскi Маглышы Слуцкага раёна. Жыхар Салiгорска, кiруючы "Фольксвагенам", на сустрэчнай сутыкнуўся з МАЗам. 13-гадовы сын вадзiцеля "Фольксвагена" загiнуў на месцы, а ён сам разам з жонкай i 24-гадовым пасажырам былi дастаўлены ў бальнiцу, дзе вадзiцель сканаў.