Паслугі Дзяржаўтаiнспекцыi МУС Беларусi ў лiстападзе падаражэлi

Источник материала:

Адпаведнае рашэнне было прынята ў лiстападзе Мiнiстэрствам эканомiкi па прапанове МУС, паведамiлi карэспандэнту БЕЛТА ў прэс-службе Мiнэканомiкi.

Тарыфы на паслугi ДАІ не пераглядалiся з 2004 года. За гэты час значна павялiчылiся затраты на iх аказанне (адбiлiся рост заработнай платы работнiкаў бюджэтнай сферы, павышэнне цэнаў на расходныя матэрыялы i тарыфаў на камунальныя паслугi i iншыя паслугi). Гэтым тлумачыцца мэтазгоднасць павышэння тарыфаў на асобныя паслугi (работы), што аказваюцца (выконваюцца) ДАI МУС, растлумачылi ў прэс-службе Мiнэканомiкi.

У прыватнасцi, цяпер за эвакуацыю пашкоджанага транспартнага сродку (па заяве ўладальнiка) на адлегласць да 10 км уключна трэба заплацiць Br10 тыс., да 20 км — Br20 тыс., больш за 20 км — Br30 тыс. Прымусовая адбуксiроўка транспартнага сродку на ахоўную стаянку абыдзецца Br12 тыс. (з поўнай пагрузкай на эвакуатар) або Br11 тыс. (з частковай пагрузкай на эвакуатар), а захоўванне аўтатранспарту на штрафной стаянцы — Br2,5 тыс. за суткi.

Адна гадзiна выкарыстання аўтадрома ДАI для абучэння ваджэнню на аўтамабiлi ўладальнiка каштуе Br5,5 тыс., выезд супрацоўнiка ДАI для прыёму квалiфiкацыйнага экзамена на атрыманне права кiравання механiчнымi транспартнымi сродкамi па месцы размяшчэння вучэбнай арганiзацыi — Br8,5 тыс. за гадзiну, а адна копiя ўлiкова-рэгiстрацыйных дакументаў на транспартны сродак — Br2,3 тыс.

Кошт экспертызы, якая ўключае ў сябе зверку нумарнога агрэгата транспартнага сродку з улiковымi данымi, агляд транспартнага сродку па месцы захоўвання са складаннем акта яго агляду для зняцця з улiку, складае Br9 тыс. За ўдзел работнiкаў Дзяржаўтаiнспекцыi ў прыёмачных выпрабаваннях транспартных сродкаў трэба будзе заплацiць Br24 тыс., за гадзiну лекцый i заняткаў па правiлах дарожнага руху (па заяўках юрыдычных i фiзiчных асобаў) — Br8,5 тыс. Камп’ютарныя паслугi па рэгiстрацыi, зняццю з улiку транспартных сродкаў ацэнены Br1,2 тыс. За суправаджэнне транспартных сродкаў, якiя перавозяць буйнагабарытныя грузы, цяжкавагавыя i небяспечныя грузы, трэба будзе заплацiць Br1,5 тыс. за 1 км.

Жадаючым падабраць камбiнацыi лiчбаў i лiтар свайго рэгiстрацыйнага знака давядзецца заплацiць Br2 млн за камплект.