Бегчы цi страляць?

Источник материала:

Учора распачаўся новы бiятлонны сезон

Афiцыйны старт сезона 2008—2009 дасць iндывiдуальная гонка на 20 км для мужчын, якая адбылася сёння ў шведскiм горадзе Эстэрсундзе. Увогуле сезон будуць складаць 9 этапаў i скончыцца ён у Ханты-Мансiйску ў канцы сакавiка. На першым этапе пройдуць 6 гонак.

У размове з карэспандэнтам "Звязды" дзяржаўны трэнер па бiятлоне Аляксандр Бяляеў паведамiў, што "падрыхтоўка спартсменаў была праведзена паводле раней устаноўленага плана, нiякiх перашкод цi накладак не здарылася. Арганiзацыйныя пытаннi былi вырашаны ў тэрмiн i спартсменам зроблены ўсе ўмовы для якаснага выступлення, дасягнення добрых вынiкаў. На сёння такiм вынiкам можна будзе лiчыць пападанне нашага спартсмена ў 30-у мацнейшых у iндывiдуальных гонках. Аднак па-ранейшаму галоўны акцэнт будзе рабіцца на чэмпiянат свету, дзе ў мужчынскай эстафеце трэба разлiчваць на месца не нiжэй за 8-е, а для жанчын — не нiжэй за 5-е".

Асаблiвасцю гэтага сезона стане дэбют канадскага Ванкувера як гаспадара этапа Кубка свету. Нагадаем, менавiта там адбудуцца зiмовыя Алiмпiйскiя гульнi-2010.

1-ы этап. 3 — 07.12.08. Эстэрсунд (Швецыя)

2-i этап. 12 — 14.12.08. Хохфiльцэн (Аўстрыя)

3-i этап. 18 — 21.12.08 Хохфiльцэн (Аўстрыя)

4-ы этап. 07 — 11.01.09 Оберхоф (Германiя)

5-ы этап. 14 — 18.01.09 Рупольдынг (Германiя)

6-ы этап. 22 — 25.01.09 Антхольц (Iталiя)

7-ы этап. 11 — 16.03.09 Ванкувер (Канада)

8-ы этап. 19 — 22.03.09 Тронхейм (Нарвегiя)

9-ы этап. 26 — 29.03.09 Ханты-Мансiйск (Расiя)

12.02 — 22.02.09 П’ёнг Чанг (Паўднёвая Карэя)

24.02 — 03.03.09 Уфа (Расiя)