Хачу расказаць: Беларусь — прыгожая краіна

Источник материала:

Ён расказаў шмат цiкавага пра друкаваныя i электронныя СМІ сваёй краiны, адказаў на пытаннi прадстаўнiкоў рэгiянальных СМI нашай рэспублiкi.

А напрыканцы сустрэчы ў Ар’яна Петэрсана запыталiся, што ён раскажа пра Беларусь на сваёй радзiме. Усмiхнуўшыся i крыху падумаўшы, ён адказаў:

— У першую чаргу, пакажу здымкi, якiя я зрабiў. Большасць тых, хто жыве ў Швецыi, лiчыць, што Беларусь — шэрая краiна. Такi стэрэатып застаўся з часоў былога Савецкага Саюза. Але гэта не так. Гэта прыгожая краiна, а быў я ў многiх дзяржавах i магу параўноўваць. Мiнск, думаю, у хуткай будучынi стане турыстычным магнiтам.

Я сустракаўся з многiмi маладымi людзьмi i прыйшоў да высновы, што ў iх такiя ж, як i у нашай моладзi, думкi, мары, навыкi.

Падзялюся таксама тым, што Швецыя дзесьцi на гадоў 10 апярэдзiла Беларусь па лiчбавых тэхналогiях. У вас такая ж тэхнiка, але нашмат даражэйшая, чым у маёй краiне.

У вас частка СМI кантралююцца дзяржавай, а ў нас крыху iншая сiстэма.

Раскажу аб тым, праз якiя нягоды давялося прайсцi вашаму народу.

Мне вельмi спадабалiся беларусы, гэта гасцiнны народ. Асаблiвай рознiцы памiж намi няма. Мы i ежу ядзiм аднолькавую, праўда, знакамiтых калдуноў у нас не гатуюць, а бульбяныя блiны — так, толькi ядзiм мы iх не са смятанай, а з ягадамi.

Я ўжо другi раз прыязджаю ў Беларусь i мару прыехаць яшчэ, каб убачыць усю краiну.