Сяргей ІваноЎ: А чаму ж вы, грамадзянка Iванова, не патэлефанавалi па 102?

Источник материала:

— Вядома ж, адмоўна. А вы?

— А чаму ж вы, грамадзянка Iванова, не патэлефанавалi па нумары 102? Дзе ваша грамадзянскае сумленне? Распiццё алкагольных напояў у грамадскiм месцы — гэта адмiнiстрацыйнае правапарушэнне, якое прадугледжвае штраф да 8 базавых велiчыняў. За 11 месяцаў у Магiлёўскай вобласцi за распiццё i з’яўленне ў грамадскiх месцах у п’яным стане прыцягнута да адмiнiстрацыйнай адказнасцi амаль 22,5 тысячы чалавек.

— Гэта на некалькi тысяч болей, чым летась. А з вулiц i iншых грамадскiх месцаў забралi i змясцiлi ў медыцынскi выцвярэзнiк амаль 11 тысяч чалавек. I, зразумела, трэба прымаць экстранныя меры, калi ў дварах пачынаюць пiць нармальныя з выгляду людзi. Вось каго вы сабе ўяўляеце, калi пра чалавека гавораць, што ён п’е па завуголлях? Няголены твар...

— Так. А для нармальных людзей у нас працуе шырокая сетка разнастайных пiцейных устаноў — на любы кашалёк i густ. Хоць мы манiторынг не рабiлi, цi сапраўды павялiчылася колькасць прыстойных людзей, якiя распiваюць спiртныя напоi ў грамадскiх месцах.

— Ведаю, таму што такiя заявы паступалi i да нас. Мы iх перадавалi ўладам, а са свайго боку бяром такiя скаргi на кантроль патрульна-паставой службы. Безу- моўна, трэба змагацца з такiмi праявамi. Можа, гэта прыватная справа, калi чалавек "зашыўся" ў сваёй кватэры i п’е. Але зусiм iншая, калi ўсё гэта робiцца на людзях, з агрэсiўнай дэманстратыўнасцю: маўляў, мы тут п’ём — i нiхто нам не ўказ. А калi якая бабулька асмелiцца зрабiць заўвагу, дык ёй яшчэ i нагрубяць. Ды дзецi не могуць падысцi да "грыбка", бо там сядзяць п’янiцы. Вось гэта мы будзем спыняць рашуча.

Але яшчэ больш мяне непакоiць моладзь, якая распiвае алкагольныя напоi дзе заўгодна. Гэта коле вочы. I ўсё пачынаецца з пiва, якое стала модай.

— Я не супраць куфля беларускага пiва ў вольны час. Але ўсё ў межах разумнага. Усе беды ад перабору i перахлёсту, у любой сiтуацыi. Здавён кажуць праўду: усё добра ў меру.

— Упусцiлi нешта ў выхаваннi. Мiлiцыя, вядома, працуе на прафiлактыку i iмкнецца не дапусцiць правапарушэнняў, аднак маладыя людзi трапляюць у поле нашай увагi ўжо ў свядомым узросце. Позна iм чытаць лекцыi пра тое, што пiць — гэта нядобра i непрыгожа. У гэтым трэба пераконваць малых з дзiцячага садка i далей, на ўсiх прыступках да сталасцi. А цяпер самае галоўнае — скасаваць папулярнасць пiва ў моладзевым асяроддзi.

— Не ведаю. Аднак я памятаю сваю маладосць: у мяне нават думкi нiколi не было набыць бутэльку пiва, iсцi па вулiцы i сёрбаць. А калi ўжываць пiва без меры, то наступная думка — ад гарэлкi болей кайфу. Так што я спадзяюся, што парламент новага склiкання зоймецца законам аб забароне распiцця пiва ў грамадскiх месцах.

— А гэта няпраўда. Калi толькi я даведаюся, што мiлiцыянер прайшоў мiма i не зрабiў заўвагi, я накладу на яго спагнанне. Я не хачу казаць, што трэба выклiкаць "варанок", хапаць усiх i складаць пратаколы. Але зрабiць заўвагу — гэта абавязкова.

— Я нiколi не праходжу мiма. Часта езджу, напрыклад, мiма медыцынскага вучылiшча i спыняюся каля дзяўчат, якiя кураць на вулiцы. Я гутару з iмi i не сустракаю супрацьдзеяння.

— Якая зброя? Безумоўна, мiлiцэйская форма схiляе да спакойнай гутаркi. Але i ў цывiльным я не праходжу супраць няправiльных сiтуацый. Ну часам проста злосць бярэ!

У нас быў фестываль "Магiлёўская вобласць — тэрыторыя здароўя". Я выйшаў з Палаца культуры пад уражаннем, як шмат робiцца ў нашай краiне для здаровага ладу жыцця. Трымаю пад пахай грамату за ўклад мiлiцыi ў агульную справу. А на ганку моладзь курыць! I я iх шугануў i абяцаў вушы паабрываць. I тады падумаў, як бы iншым разам не нарвацца...

Але нельга жыць з псiхалогiяй "Мая хата з краю": калi хочаш, каб навокал было добра, выпадае пра гэта клапацiцца. Трэба да ўсяго мець справу — бо яна можа датычыцца ўласна цябе i тваёй сям’i.

— Напрыклад, на "гарачую лiнiю" пра самагонаварэнне i сурагатны алкаголь нам сёлета патэлефанавалi каля 800 чалавек. Гэта праблема: сёлета памерлi ад алкагольнага атручэння 350 чалавек! Праўда, мы ўжо моцна прыцiснулi самагоншчыкаў i нелегальных прадаўцоў алкагольных вадкасцяў, але цяпер даводзiцца змагацца з тымi, хто набывае ў крамах "чарнiла" i ўначы гандлюе iм.

Гэта праца нялёгкая. Раней наш супрацоўнiк некалькi дзён не галiўся, потым апранаўся ў прастака, i група ехала на раён. Наш "агент" патаўчэцца ў краме i высветлiць у мужчын, што набыць можна ў Манi. Ён робiць кантрольны закуп, i пункт лiквiдуецца. Аднак цяпер прадаюць толькi сваiм, i няголеным мiлiцыянерам тут не абыдзешся. Але сёлета мы канфiскавалi больш за 70 тысяч лiтраў самагону i каля 40 тысяч лiтраў спiрту.

— Гэта з псiхалогii — праславутае "А можа, наўдалую...". Мы актывiзавалi працу ў дачыненнi да п’яных вадзiцеляў. Сёлета выявiлi болей за 5,5 тысячы фактаў кiравання транспартнымi сродкамi ў стане ап’янення. 117 ДТЗ учынiлi нецвярозыя вадзiцелi. Але i пешаходы не саступаюць: у цёмны час сутак з праезнай часткi вывелi i вынеслi 17 тысяч п’яных пешаходаў.

— Выпадае змагацца супраць алкагалiзму, за здаровы лад жыцця. Захаванне здаровай нацыi цяпер надзвычай актуальнае пытанне. Калi цяперашнiя тэмпы скарачэння насельнiцтва Беларусi захаваюцца — а гэта прыкладна мiнус 50 тысяч штогод, то нас вельмi хутка стане значна меней.

— У нас штомесяц рэалiзуецца 5 бутэлек гарэлкi на кожнага жыхара, уключна дзяцей i старых. Самая вялiкае зло — гэта бытавы алкагалiзм. Ад яго нiхто не застрахаваны: нi бомж, нi прафесар. I паважаны ў грамадстве чалавек можа з лёгкасцю прайсцi шлях ад чаркi каньяку за вячэрай да таннай бутэлькi "Вясёлай каруселi".

Дарэчы, у жнiўні быў дзень цвярозасцi, якi не ўсе зразумелi. А мы зрабiлi аналiз: у гэты дзень у Магiлёўскай вобласцi ў 5 разоў меней паступiла паведамленняў пра сямейна-бытавыя скандалы.

— На жаль, нi ў адной краiне ён сябе не апраўдаў.

— У рэальнасцi ўсё не так рамантычна. Але калi людзi будуць такiмi тэмпамi спiвацца, то трэба будзе пераймаць вопыт i ўводзiць абмежаваннi. У Беларусi ёсць дзяржаўная праграма па супрацьдзеяннi п’янству i алкагалiзму: там задзейнiчаны не толькi праваахоўнiкi, але медыкi, педагогi, работнiкi культуры. Аднак iмгненнага вынiку не будзе, пра пералом у свядомасцi яшчэ рана казаць.

— Асаблiвыя меры, жорсткiя цi, наадварот, лаяльныя, уводзiцца не будуць. Мы ўлiчым, што Новы год i Каляды — светлыя i радасныя святы для ўсiх. Таму ўвага нарадаў мiлiцыi надаецца культурнаму i ветлiваму стаўленню да людзей. Тых, хто перабраў i страцiў здольнасць самастойна рухацца, будзем дастаўляць у медвыцвярэзнiк альбо ў бальнiцы. Мы не будзем заломваць рукi за раскаркаванае шампанскае каля ёлкi, але будзем трымаць сiтуацыю пад ненавязлiвым кантролем.

— Я не пажадаю не пiць на святы — гэта бессэнсоўна. Пiце, але ў меру. Каб пiццё было ў весялосць i пасля не надышло горкае пахмелле.