Змяншэнне тавараабароту сезоннае?

Источник материала:

Як паведамiлi ў Нацыянальным статыстычным камiтэце, за гэты час зменшылася рэалiзацыя малака i малочных прадуктаў (на 1,8 працэнта), масла (на 9,4 працэнта), алею (на 14,6 працэнта), рыбы i морапрадуктаў (на 1,7 працэнта), круп i бабовых (на 3,7 працэнта), макаронных вырабаў (на 7,7 працэнта). Сярод нехарчовых тавараў сёлета менш за ўсё куплялi толькi каляровыя тэлевiзары — iх продаж "змiнусаваў" на 13,2 працэнта.

Найбольшы рост продажу прыпадае на цукар (17,6 працэнта), кансервы i прэсервы з рыбы i морапрадуктаў (14,5 працэнта), безалкагольныя напоi (17,8 працэнта), кандытарскiя вырабы (27,1 працэнта), сокi (16,2 працэнта). Сярод нехарчовых тавараў павялiчылася рэалiзацыя вопраткi i бялiзны (на 34,2 працэнта), трыкатажных вырабаў (на 23,8 працэнта), абутку (на 33,4 працэнта), сiнтэтычных мыйных сродкаў (на 31,7 працэнта), лекаў (на 23,5 працэнта).

Як адзначаюць у Нацыянальным статыстычным камiтэце, доля продажу тавараў айчыннай вытворчасцi з пачатку года склала 78,9 працэнта: харчовых тавараў 85,9 i нехарчовых — 69,7. Сярод груп прадукцыi перавага за iмпартнай была толькi па рыбе i морапрадуктах, алеi, соках, пральных машынах i сiнтэтычных мыйных сродках.

Разам з тым, ужо другi месяц запар адзначаецца змяншэнне аб’ёмаў рознiчнага тавараабароту. Калi ў кастрычнiку гэты паказчык скарацiўся на 3,8 працэнта, то ў лiстападзе — ужо на 8,5. У чым прычына? Як заўважылi карэспандэнту "Звязды" ў Нацыянальным статыстычным камiтэце, хутчэй за ўсё змяншэнне — сезонная з’ява. Да прыкладу, у лiстападзе мiнулага года ў параўнаннi з папярэднiм месяцам рознiчны тавараабарот знiзiўся на 2,2 працэнта. Магчыма, гэтая тэндэнцыя прасочваецца i сёлета. Праўда, больш выразна...